اسلام آباد۔ 19جنوری (اے پی پی) جہانی امور نا چاہندار ڈاکٹر پرویز اقبال چیمہ پارینے کہ دنیا ٹی بھارت و اسرائیل ہڑتوم آ ملک آک ریاستی دہشت گردی ٹی اوار ئُ۔ ریڈیو پاکستان تون ہیت وگپ کرسا اوپارے کہ بھارت ہمیشہ پاکستان آ دہشت گردی نا دوبہ خلنگ نا بے سہب کوشست کرینے وخت اس کہ پاکستان تینٹ دہشت گردی نا گواچی ئُ ملک اسے و دنیا دہشت گردی نا چٹفنگ کن کروک آ کوشست آتے خراج تحسین پیش کیک۔ پرویز اقبال چیمہ پارے کہ دنیا مقبوضہ کشمیر اٹی بھارتی بیدادی آن جوانی اٹ واقف ئِ و دا چرجوئی ٹی سوشل میڈیا اہم کڑد ادا کرینے و پاکستان نا حکومت و الس کشمیری تا اخلاقی ، سیاسی و سفارتی مخ تفی ئِ برجاہ تخنگ نا عزم ئِ کرینو۔ اوپارے کہ دنیا ٹی بھارت و اسرائیل ہڑتوم آملک آک ریاستی دہشت گردی ٹی اوار ئُ وخت اس کہ جہانی برادری تینا تینا فائدہ غاتا خاطر چپی اس اختیار کرینو۔ ڈاکٹر پرویز پارے کہ نن داسہ ہم بھارت تون غٹ ویل آتا ایسری ئِ مذاکرات نا میز آ کننگ کن تیار ئِ۔ اواسہ سوج اسے نا ورندی ئِ ترسا پارے کہ پاکستان گچین خارجہ پالیسی آعمل کننگ ئِ و بھارت نا ہچ ئُ دوبہ اسے نا ورندی ئِ تننگ نا پابند اف۔
