تحریک انصاف عدالت عظمیٰ ئِ دباﺅ ٹی اتنگ نا کوشست کننگ ئِ ، عدالت آک دباﺅ اٹی افس و نہ ہی دباﺅ ٹی بننگ کیرہ
اسلام آباد۔ 19جنوری (اے پی پی) مسلم لیگ (ن) نا راہشون طارق فضل چودھری پارینے کہ تحریک انصاف عدالت عظمیٰ ئِ دباﺅ ٹی اتنگ نا کوشست کننگ ئِ۔ پنچ شنبے آ داڑے میڈیا تون ہیت وگپ اٹی اوپارے کہ پی ٹی آئی والاک عدلیہ ئِ متنازع جوڑ کننگ و جج آتے دباﺅ اٹی اتنگ نا کوشست کننگ ئُ۔ طارق فضل چودھری پارے کہ تحریک انصاف والاک دا تاثر ئِ تننگ نا کوشست کننگ ئُ کہ اگہ اوفتا حق اٹی فیصلہ بتو تو مست آنبار عدلیہ و ادارہ غاتے برابھلا پارہ و ولدا دھرنہ و برانز نا انداز ئِ تینا کیرہ۔ اوپارے کہ عدالت عظمیٰ ٹی بے شمار کیس آک زیر سماعت مسنو و تاریخ اٹی اولیکو وار پی ٹی آئی کیس ئِ دا انداز اٹی رنگ تننگ ئِ۔ اوپارے کہ عدالت آک دباﺅٹی افس و نہ ہی دباﺅ ٹی بننگ کیرہ۔ اوپارے کہ ننا تہذیب اٹی تینا اولاد ئِ ٹیکی تننگ نا رواج ئِ و دابابت آن ٹرانسفر و خراج ناکانود ہم صفا ئِ، نن بایدے وزیراعظم ئِ ہم اسہ لس انسان اسے آنبار ہلین۔
