باد رگاز (سوئٹزرلینڈ)۔ 17 جنوری (اے پی پی) مزن وزیر محمد نواز شریف ئَ گوشت کہ آ دُگنیا ئَ را پاکستان ئِ بالائیں معاشی دیمروئی ئَ چہ سرپد کنگ ئِ ھاترا اقتصادی فورم ئَ اتکگ، چیز ئِ سال پیسر معشیت تباھ اَت ئُُ نوں میاں اوستمانی مالیاتی برات معشیت ئِ دیمروئی ئَ را منگ ئَ اَنت۔ زیورخ ئَ چہ اِدا سر بوھگ ئَ پد زوت زوت ئَ وتی ہوٹل ئِ تہئَ ھال رسانکی در آں گوں تران کنان آ مزن وزیر ئَ گوشت کہ اللہ تعالیٰ ئِ لک درجگ شگر اِنت کہ معشیت دیمروئی کنگ ئَ اِنت۔ مزن وزیر ورلڈ اکنامک فورم ئِ ھمک سالی دیوان ئَ بھر زوری کنگ ئِ ھاترا سوئٹزرلینڈ ئَ اتکگ، آئی ئَ گوشت کہ ملک گوں تُرندی ئَ دیمروئی کنگ ئَ اِنت۔ ایشی ئِ میاں اوستمانی ھال رسانکی در توسیپ ئَ کنگ ئَ اَنت۔ مزن وزیر آیوکیں لستیں روچاں نامداریں کمپنی ئُُ مالیاتی کارگس آنی سربراھ آنی گوما گند ئُُ نند کنت ئُُ آواں سرمایہ کاری ئُُ انٹرنیشنل برانڈ ئِ ھاترا جوانیں گامگیج آنی بابت ئَ سرپدی کنت۔ میاں اوستمانی ادارگ آنی نیمگ ئَ جوانیں ریٹنگ ئَ پد پاکستان ئَ در ملکی سرمایہ کاری ئِ کنوک آنی ھاسیں دلوشی گند ئَ پیداک اِنت۔ نوازشریف ئَ گوشت کہ میاں اوستمانی ادارگ پاکستان ئِ معشیت ئِ بابت ئَ دلبڈی اشارگ دیگ ئَ اِنت ئُُ ملک ئَ در ملکی سرمایہ کاری پیداک اِنت، ھمک مردم ئِ کمائی ئِ تہئَ جھلی ئُُ وھدیکہ جی ڈی پی ئَ گیشی بوھگ ئَ اِنت، اے پڑ ئَ جوانیں دیمروئی اتکگ، چائنہ پاکستن اکنامک کوریڈور ئِ تہ ئَ جوانیں دیمروئی یے پیداک اِنت ایش ایوک ئَ پاکستان ناں بلکینگ ئَ سرجمیں پاکستان ئِ ھاترا بازی مٹ کنوک اِت۔
