اسلام آباد۔ 18جنوری (اے پی پی) مسکوہی سفیر علی سرور نقوی پارینے کہ بھارت نیو کلیئر سپلائر رڑ انا رکنیت نا اہلیت تخپک ۔ ریڈیو پاکستان تون ہیت وگپ کرسا اوپارے کہ امریکہ نا کنڈآن بھارت ئِ نیو کلیئر سپلائر رڑ انا رکنیت نا مخ تفی کننگ درست ئُ عمل اس اف انتئے کہ بھارت اسہ سویلی ئُ ملک اسے واودے ڈیہہ نا کیہی ملک آتے خطرہ لاحق ئِ۔ علی سرور نقوی پارے کہ چین اصول آتیا سلوک ئُ ملک اسے و اونا کنڈآں بھارت ئِ نیوکلیئر سپلائر رڑانا رکنیت تننگ نا مخالفت درست ئُ گام اسے۔ اوپارے کہ نیوزی لینڈ، آسٹریا و ترکی ہم دا رکنیت نابرخلاف ئُ۔ ہنداملک آتا پاننگ ئِ کہ اگہ بھارت رکنیت نا گرج آتے پورو کیک تو اودے نیو کلیئر سپلائر رڑاٹی رکنیت دوئی کننگ نا موکل تننگے۔ اسہ سوج اسے نا ورندی ئِ ترسا مسکوہی سفیر پارے کہ بھارت مقبوضہ کشمیر اٹی کودک الس آ بیدادی کننگ ئِ و جہانی برادری اونا مخالفت ئِ کننگ آن بیدس اودے پاکستان و بھارت نا تہہ نا ویل پارسا جان ئِ کشنگ ئِ وخت اس کہ پاکستان نا پاننگ ئِ کہ نن کشمیری تا سیاسی، اخلاقی و سفارتی مخ تفی ئِ برجاتخنہ۔
