اسلام آباد۔ 18جنوری (اے پی پی) قومی اسمبلی نا اسہ باسک و صوبائی اسمبلی تا 20باسک آتا رکنیت میرات آتا گواشوارہ جمع کرفپننگ نا سوب داوخت اسکان معطل ئِ۔ الیکشن کمیشن ناذرائع نا رداٹ قومی اسمبلی ٹی تحریک انصاف نا کوہاٹ آن باسک شہریار آفریدی داوخت اسکان مالی 2015-16ءنا گوشوارہ جمع کرفتنے، پنجاب اسمبلی نا اِرا باسک ملک سجاد حسین جوئیہ و سردار محمد جمال خان لغاری تینا سالانہ گواشوارہ غاتے جمع کرفتنے، سندھ اسمبلی نا 18باسک آک ہم تینا گواشوارہ غاتے جمع کننگ کتنو، عمومی نشست آتیا سرسہب محمد سلیم راجپوت ، محمد علی بھٹو، مخدوم خلیل الزمان ، خالدبن ولایت، محفوظ یارخان، محمدجاوید ، محمد کامران ، سید محمد قمر عباس رضوی، سید فیصل علی سبزوری و مخصوص نشست آتیا سرسہب شہناز بیگم، ریحانہ لغاری، رخسانہ پروین، غزالہ سیال، فرحت سیمی، بلقیس مختار، نصرب بانو سحر عباسی، صوراتھ و مکیش کمار چاولہ اوار ئُ۔ باسک پارلیمنٹ و صوبائی اسمبلی تا کنڈآن ہر مالی سال انا ایسری نا 90دے انا تہٹی تینا یا تینا زیر کفالت بندغ آتا گوشوارہ جمع کرفنگ المی ئِ ولے دا باسک آتا کندآن تینا گوشوارہ جمع کرفنگ تنے ہرانا سوب اوفتا ممبر شپ معطل ئِ و او اسمبلی یا قائمہ کمیٹی تا اسہ دیوان اسے ٹی ہم بشخ ہلنگ کپسہ۔
