اسلام آباد۔ 18جنوری (اے پی پی) بنجائی وزیر انسانی حق سینیٹر کامران مائیکل پارینے کہ ساڑی حکومت وزیراعظم محمد نواز شریف نا وژن نا رداٹ اولیتی بنداو تیا مذہبی آہنگی نا مون آ دننگ تون اوار ایلو بنداوی انسانی حق خاص کر نیاڑی و چناو اقلیت آتا رکھ اکن جامع کانود سازی اس کرینے و داڑآ عملدرآمد کننگ انگ ئِ ہراڑآن جہانی کہول آ پاکستان نا امیج گچین مسنے۔ آئین پاکستان ملک اٹی رہینگوک آ غٹ شاری تے بے پرخ غٹ حق آتا ضمانت ایتک دا چرجوئی ٹی وزارت انسانی حق، نیاڑی وچناو اقلیت آتا حق انابروخت فراوانی کن غٹ صوبہ غاتے اوار ہلسا درکار ہدف ئِ بروخت پورو کننگ کن کاریم کننگ ئِ۔ چارشنبے آ ”اے پی پی“ تون ہیت وگپ کرسا اوپارے کہ پاکستان اٹی بنداوی انسانی حق انا رکھ و خاص کر نیاڑی و چناو اقلیت آتا رکھ اکن کیہی گام گیج کننگانے و دارداٹ پین کانودسازی کننگ انگ ئِ۔ بنجائی وزیر پارے کہ آئین پاکستان ملک اٹی رہینگوک آ غٹ شاری تا بے پرخ و نسل حق انا رکھ ئِ کیک، ننا حکومت ملک اٹی نیاڑی ، چناو اقلیت آتا حق انا رکھ اکن پین کانود سازی کننگ ئِ۔ اوپارے کہ ہندوبرادری ناگڑتی تے مر کننگ کن حکومت پاکستان ہندومیرج ایکٹ و قومی اسمبلی آن پاس کننگانے۔ داکان بیدس حکومت اقلیتی برادری نا ایلو گڑتی تے مر کننگ کن کانود سازی کننگ ئِ۔
