وزیراعلیٰ بلوچستان نا خصوصی پارت آتیا انتظامیہ صوبہ نا کیہی علاقہ غاتیٹی مربوط حکمت عملی اتون پر و برف باری ٹی اختہ گاڈی و مسافر آتے بروخت رکھوک ہند آتیا گدریفیر، پاکستان مسلم لیگ (ن) بلوچستان نا سینئر نائب صدر ملک ظاہر خان کاکڑ

کوئٹہ۔ 18جنوری (اے پی پی) پاکستان مسلم لیگ (ن) بلوچستان نا سینئر نائب صدر ملک ظاہر خان کاکڑ پارینے کہ صوبہ نا کیہی علاقہ غاتیٹی پر و برف باری آن پد وزیراعلیٰ بلوچستان نواب ثناءاللہ خان زہری نا خصوصی پارت آتیا انتظامیہ مربوط حکمت عملی اتون پر و برف باری ٹی اختہ گاڈی و مسافر آتے بروخت رکھوک ہند آتیا گدریفیر و بھلو مشینری اسے نا کمک اٹ غٹ رابطہ روڈ آتے بحال کرینو۔ وزیراعلیٰ و بڑزکو کمامدارآتا بروخت نوٹس آ راج انا غٹ تپہ غاتا خلقت نا حکومتی گام گیج آتا خیر مقدم ئِ کرینو وپارے کہ پر و برف باری اللہ تعالیٰ نا کنڈآن نعمت و رحمت اسے ہراڑآ نن بایدے اب العزت نا شکریہ ئِ ادا کین انتئے کہ بلوچستان اٹی مریس خشک سالی نا سوب زمیندار و پاکستان فریشانی نا گواچی ئِ و ساڑی آ پر و برف باری آن صوبہ نا الس اٹی خوشی اس تالان مسنے انتئے کہ کوئٹہ، لورالائی، قلات ، پشین، زیارت، سنجاوی ، ہرنائی، مستونگ تون اوار ایلو علاقہ غاتیٹی بھلو وخت اسے آن پد برف باری مسنے۔