بیجنگ۔ 10جنوری (اے پی پی) چین و امریکہ نا بیجنگ اٹی معیشت و واپار نا بابت مروک آ نائب وزارتی کہول انا مذاکرات ایسر مس۔ چائنا ریڈیو انٹرنیشنل نا رداٹ دا بابت سرجم احوال آتے پارسا چین نا وزارت واپار پارے کہ نائب وزارتی کہول انا 3دے ئی مذاکرات بیجنگ اٹی اڈ ہلک۔ ہراٹی ہڑتوم آ ملک آتا نیام اٹ معیشت و واپار ءِ مون تروک چیلنج آتا بابت گپ وتران مس۔ کڑدہ غاک ہڑتوم آ صدر آتا اہم اتفاق رائے ءِ عمل اٹ اتنگ کن اسیجا است خواہی نا وارپاری معاملہ و ساختی معاملہ غاتیا گیشتر، گہرا و سرجم گپ و تران کریر ہراٹی تین پہ تینی مفاہمت ءِ مون آ دننگا و ویل انا ایسری کن بنداو اس تخنگا۔ کڑدہ غاک خڑکی رابطہ ٹی رہینگ انگ آ امنا کریر ۔
