بیروت۔ 10 جنوری (اے پی پی) لبنانی صدر میشال عون پڑو کرینے کہ اقتصادی و راجی شونداری عرب سروک کانفرنس مقررہ پروگرام نا رداٹ 19 و 20 جنوری آ بیروت اٹی اڈ ہلیک۔ دا ہیت ءِ تیونس نا صدر الباجی قائد السبسی نا ایلچی تون بیروت اٹی اوڑدہی نا وخت آ کننگا۔ سروک کانفرنس نا غٹ بست وبند آتے کننگانے۔ لبنان عرب سرکڑدہ غاتا بخیر کننگ کن تیار ءُ۔ تیونس نا صدر لبنانی صدر ءِ تینا داڑے 31مارچ آ اڈ ہلوک آ عرب سروک کانفرنس اٹی بشخ ہلنگ کن سلہ نامہ گدریفینے۔ لبنانی صدر پارے کہ تیونس نا صدر بیروت اٹی اقتصادی و راجی عرب سروک کانفرنس اٹی بشخ ہلیک۔
