لورالائی۔ 18جنوری (اے پی پی) پاکستان مسلم لیگ (ن) نا جنرل سیکرٹری ناصر خان ناصر و پاکستان مسلم لیگ (ن) یوتھ ونگ نا صدر و سرپرست اعلیٰ ٹورنامنٹ عبدالرزاق کدیزئی اسیجائی پریس کانفرنس اسے آن تران کرسا پارینو کہ نن لورالائی ٹی آل بلوچستان میر سکندرزہری شہید میموریل فٹ بال ٹورنامنٹ نا اڈتننگ آ وزیراعلیٰ بلوچستان نواب ثناءاللہ خان زہری نا منت واری ئِ ادا کینہ۔ اوفک پاریر کہ لورالائی ٹی ورناتے سیل و سوات نا موقع فراوان کرے و ورناک دا ٹورنامنٹ آن لطف اندوز مسر۔ مسلم لیگ (ن) نا کارندہ غاک ثابت کریر کہ نن نواب ثناءاللہ زہری نا ولولہ انگیز سروکی آ فخر کینہ۔ اوفک پاریر کہ نن صوبائی سلاہکار جنگلات عبیداللہ جان بابت لالا نا ہم خصوصی منت واری ئِ ادا کینہ کہ او تینا نہادی وخت آن وخت کشسا فائنل اٹی ساڑی مس و نواب ثناءاللہ زہری نا کنڈآن دہ لکھ روپئی نا پڑو کرسا کارندہ غاتا است ئِ کٹا۔
