اسلام آباد ۔ 4 مئی (اے پی پی) چیئرمین تحریک ئِ انصاف عمران خان ئَ اسلام آباد ئُُ لاہور ئَ مچی ئِ تہ ئَ زالبول آنی سر ئَ اُرش کنگ ئِ واکیہ ئِ پد ئَ 8مئی ئِ فیصل آباد ئَ بوھوکیں مچی ئَ را مھتل کتگ۔ چار شمبے ئَ پاکستان تحریک ئِ انصاف ئِ میڈیا سیل ئِ نیمگ ئَ چہ جاڑی بوتگیں بیان ئِ رد ئَ چیئرمین پاکستان تحریک ئِ انصاف عمران خان ئَ گوشتگ کہ زالبول آنی سر ئَ اُرش کنوکیں مردم آنی گوما تُرندی کنگ بیت۔ آئی ئَ گوشت کہ ایشی ئَ چہ پدر بیت کہ مزنیں منصوبگ ئِ ئے گوما اے وڑیں اُرش اڈ دیگ بوتگ اَنت، تانکہ مئے پارٹی ئِ تہ ئَ زالبول آنی کساس کم بہ بیت، اے یک مزنیں پندل اِت۔ پی ٹی آئی ئِ سربراہ ئَ گوشت کہ آ 9مئی ئَ پشاور ئُُ 11مئی ئَ بنوں ئَ مچی ئَ گوں تران کنت۔
