اسلام آباد۔ 17 جنوری (اے پی پی) صدر مملکت ممنون حسین ئَ گوشت کہ بزگری ئَ را یکپارگی ھلاس کنگ ئِ ھاترا المی اِنت کہ کمک داتگیں زالبول آناں کسانیں ئُُ مزنیں کزبی کار بندات کنگ ئِ ھاترا کزبی تربیت دیگ بہ بیت۔ اے پروگرام آرا ساپ ئُُ سلئہ کنگ ئِ ھاترا بائیو میٹرک سسٹم ئِ رد ئَ رجسٹریشن کنگ بہ بنت، ایشی ئِ وسیلگ ئَ کمکی زرّ ھما مردم ئَ پُجارینگ بہ بنت۔ اے وڑ ئَ شتل ئُُ لُچ یک کر بنت۔ صدر ئِ مملکت ممون حسین ئَ اے گپ بے نظیر انکم سپورٹ پروگرام ئِ ھمک سالی چار ئُُ تپاسی رپوٹ ئِ بنداتی مراگش ئَ گوں تران کنان ئَ گوشت اَنت، اے مراگش بی آئی ایس پی ھیڈ کوارٹر ئَ برجم دارگ بوھگ ئَ اَت۔ اے موہ ئَ بی آئی ایس پی ئِ چیئرپرسن ئُُ وزیر ئِ مملکت ماروی میمن ، پروگرام ئِ سیکرٹی یاسمین مسعود ئُُ آکسفورڈ پالیشی منیجمنٹ ئِ نماھندگ شان اولیری ساڑی آتنت ئُُ ایشاں گشتانک ھم دات۔ مراگش ئَ بازیں ملک آنی سفارتی نماھندگ ئُُ بی آئی ایس پی ئِ پارٹنرز ھم بھر زورگ ئَ اَتنت۔
