اسلام آباد۔ 17جنوری ( اے پی پی) چیئر مین سینیٹ میاں رضا ربانی ئَ گشتگ انتکہ پی آئی اے ئِ برزیں انتظامیہ ئِ پگار لکھ آں چہ انت، جہل گریڈ ئِ ملازم آں شش شش ماہ ئَ پگار ئُُ الاﺅنس نہ رسگ ئَ انت، ایشی ئِ نوٹس گرگ لوٹیت۔ سے شمبے ئَ ایوان بالا ئِ مراگش ئَ وقفہ جست آنی وھدئَ چیئر مین سینیٹئَ گشتگ کہ پی آئی اے ئِ قائم مقام چیف ایگزیکٹو آفیسر ئِ پگار 30لکھ ڈالر ئَ چہ زیات، ایگزیکٹو ڈائریکٹر ایچ آر، ڈائریکٹر کسٹمر کیئر، چیف آف انفارمیشن ٹیکنالوجی ئُُ لیگل کنسلٹنٹ ئِ پگار دوانزدہ دوانزدہ لکھ کلدار انت چوشکہ الاﺅنسز ایشی ئَ ابید انت۔ آئی ئَ گشتگ کہ اے چنکس عجیب گپ انت کہ برزیں انتظامیہ ئِ پگار گڑا لکھ آن انت چوشکہ کیبن کریو ئُُ جہلی گریڈ ئِ ملازم آن گوست شش ماہ ئَ آھانی پگار ئُُ الاﺅنس ہم نہ رسیت۔ کیبن کریو ئَ شش ماہ ئِ فارن فلائنگ الاﺅنس ہم نہ رستگ۔
