اسلام آباد۔ 17جنوری ( اے پی پی) بنجاہی وزیر موسمیاتی بدلی زاہد حامد ئَ گشتگ انت کہ درستیں صوبہ آنی مشورگ ئَ راجی جنگلات پالیسی تیار کرتگ انت۔ چاگرد ئِ رکھگ ئِ ھاتر ئَ درستیں گام گیج کنگ بیت۔ سے شمبے ئَ ایوان بالا ئِ مراگش ئَ وقفہ جست آنی وھد ئَ سینیٹر اعظم سواتی، مظفر حسین شاہ ئُُ دومی باسک آنی جست آنی پسو دئیگ ئَ آئی ئَ گشتگ کہ ماں صوبہ آں گشتگ انت کہ اگاں آ گرین پاکستان پروگرام ئِ ھاتر ئَ زر ایر بہ کن انت گڑا اینکس چہ زر بنجاہی حکومت ہم بہ دنت۔ ۔ اے پروگرام ئِ ھاتر ئَ پی ایس ڈی پی ئَ دو ارب کلدار ایر کرتگ انت۔ آئیئَ گشتگ کہ ہژدہمی ترمیمئَ پد نوں جنگلات ئِ رکھگ ئُُ دیمروی ئِ معاملہ صوبہ آنی دائرہ وت واجہی ئَ شتگ انت۔ ماحولیاتی گڑز ئَ کرد ئِ ھوالہ ئَ پاکستان ئِ نمبر 135واں انت بلے پدا ہم پاکستان آب ئُُ ہوار ئَ بدلی ئَ بظاہر آماچ بوﺅکیں ملک آں ہفتمی نمبر ئِ سرا انت۔
