صنعاء۔ 04 جنوری (اے پی پی) اقوام متحدہ نا یمنی جھیڑہ نا ایسری کن مقرر خصوصی ایلچی مارٹن گریفتھس ہفتہ 5جنوری آ یمن نا دارالحکومت صنعاء غا سرمننگ ءِ۔ او صنعاء ٹی اڈ کننگ نا وخت آ ایران نواز حوثی ملیشیا نا راہشون آتون اوڑدہی کیک۔ حوثی ملیشیانا سرکڑدہ غاتون اوڑدہی آن پد او سعودی عرب آ کاہک ہراڑے یمن نا جہانی وڑاٹ امنا کروک صدر منصور ہادی تون اوڑدہی کیک۔ اقوام متحدہ نا سفیر نا کوشست آتیان بندرگاہی شہر حدیدہ ٹی جنگ بندی نا ڈیل گدرینگوک آ سال دسمبر اٹی مسوسس۔ گریفتھس یمن نا جنگی حالیت آتے چٹفنگ کن متحارب کڑدہ غاتا نیام اٹ مذاکراتی چرجوئی ءِ مون آ دننگ خواہک۔

متعلقہ مضامینمصنف کی طرف سے مزید