کوئٹہ۔ 03مئی ( اے پی پی) گورنر بلوچستان محمد خان اچکزئی ئَ گشتگ انت کہ پد منتگی ئُُ گربت ئَ نظرانداز کنگ ئِ جاور دِگہ پیچید ئُُ گھمبیر بیت۔ نوں ہم پد منتگی ئُُ گریبی ئِ مسئلہ ئِ سرا ھستیں وسیلگ ئِ پڑ ئَ کار مرز ئَ دست گرگ بوت کنت۔ آئی ئَ گشتگ کہ گریبی ئُُ پد منتگی ئِ آماچ مہلوک ئِ ھالت شر جوڑ کنگ ئُُ فلاح ئُُ بہبود ئِ ھاتر ئَ ریاست ئَ وتی ذمہ واری پورا کنگ لوٹیت۔ اے ھیال آنی درشانی آئی ئَ سے شمبے ئِ روچ راجی اسمبلی ئِ قائمہ کمیٹی برائے بین الصوبائی رابطہ ئِ 13باسکی ٹولہ ئِ گوں گپ ئُُ تران کنگ ئَ چیئر مین عبدالقہار ودان ئِ سرکوی ئَ گورنر بلوچستان ئِ گوں گند ئُُ نند کرتگ۔ اے موہ ئَ چیف سیکرٹری بلوچستان سیف الہ چٹھہ ہم ھوار ات۔ راجی اسمبلی ئِ قائمہ کمیٹی برائے بین الصوبائی رابطہ ئِ باسک آنی خیر مقدم کنگ ئَ گورنر بلوچستان ئَ دیمروی منصوبہ ئِ ہما وھد ئ۔ سرجمی ئِ ارزشت ئُُ افادیت بیان کنگ ئَ گشتگ کہ اگاں ھچ دیمروی منصوبہ ایر کنگ د ھدے ئِ سرا سرجمی نہ کرت انت گڑا یک نیمگ ئَ اُلس ئِ مشکل دراج بئینت گڑا دومی نیمگ ئَ منصوبہ ئِ ھرچ ئُُ درچ باز زیات زیات ہم بیت۔ چین پاکستان اقتصادی راہداری ئِ ھوالہ ئَ جست کرتگیں یک جست ئِ پسو ئَ گورنر بلوچستانئَ گشتگ کہ دیمروی ئِ کار ئِ با قاعدہ بندات ئَ اول انفراسٹرکچر ھاسیں وڑ ئَ ذرائع مواصلات ئُُ راجی شاہرگ چشیں شریں منصوبہ ئَ سر سوبی ئَ ہمکنار کرت کنت راجی اسمبلی ئِ مجلس قائمہ ئِ باسک لہتیں دیر ئَ گورنر بلوچستانئِ ہمراہ ات انت ئُُ ملک ئُُ صوبہ ئِ سرجمیں جاورال ئ، سرا ھیال ئُُ لیکھہ کرت انت۔ پدا مہمان گرامی آنی اعزاز ئَ گورنر بلوچستان ئِ نیمگئَ نارشت ہم دات انت۔
