ملتان۔ 3مئی ( اے پی پی) ڈپٹی چیئر مین سینیٹ مولانا عبدالغفور حیدری ئَ گشتگ انت کہ اپوزیشن ئَ اخلاقیات ئِ ہر جاور ھیال دارگ لوٹیت ئُُ ھبر دار کرتگ کہ اگاں آھاں رائے ونڈ ئِ چپ ئُُ چاگرد کرت انت گڑا ٓاھاں ہم ہمے ور ئَ پسو دئیگ بیت پرچاکہ رائے ونڈ ئِ چپ ئُُ چاگرد کنگ اخلاقیات ئُُ اصول آنی بلکل منافی انت۔ سے شمبے ئَ میڈیا ئِ گوں گپ ئُُ ترانکنگ ئَ آئی ئَ گشتگ کہ اپوزیشن ئَ لوٹیت کہ آ پارلیمنٹ ئَ حکومتئِکار ئُُ کرد ئَ چیلنج بہ کنت بلے اے کل مخالفت برائے مخالفت بوھگ مہ بیت۔ جمعیت علمائے اسلام (ف ئِ سینئر راھشون ئَ گشتگ کہ ملک ئِ دولت ڈن دیم دﺅک آنی ھلاپ کارروائی بوھگ لوٹیت لوٹتگیں دولت واپس ملک ئَ آرگ ئَ دیمروی منسوبہ ئِ سرا ھرچ کنگ لوٹیت۔ مولانا عبدالغفور حیدری ئَ گشتگ کہ ماں چیف آف آرمی سٹاف جنرل راحیل شریف ئِ نیمگ ئَ فوج ئِ کرپٹ افسر آنی ھلاپ کارروائی ئِ سرجمیں حمایت کن انت ئُُ اےشی سرا آ مبارکبا ت ئِ ھق دار انت درستیں ملک ئَ ایشی ئَ سہڑائینگ ئَ انت ئُُ امیت انت انچیں کوشست ہدف ئِ پجارینگ ئَ برجاہ مانیت۔
