اسلام آباد۔ 3مئی ( اے پی پی) بجاہی وزیر اطلاعات ئُُ نشریاتی سینیٹر پرویز رشید ئَ گشتگ انتکہ آزات میڈیا ئُُ اظہار رائے ئِ آزاتی جمہوریت ئُُ آزاد چاگرد ئِ طرہ امتیاز انت، میڈیا ئِ آجوئی ئُُ جمہوری لازم ئُُ ملزوم انت۔ آ یک دومی ئَ جدا بوت نہ کن انت۔ پاکستانئِ اُلس ئُُ صحافی برات اے مکسد ئِ پجارینگ ئِ ھاتر ئَ یکجا دراجیں جہد کرت انت۔ سے شمبے ئَ آزادی صحافی ئِ میاں استمانی روچ ئِ موہ ئَ وتی کلہو ئَ آئی ئَ گشتگ کہ ھستیں جمہوری حکومت اے گپ ئِ سرا یقیند اریت کہ محفوظ ئُُ موذو چاگرد ئَ یقینی جوڑ کنگ آزاتی اظہار رائے ئِ ھاتر ئَ المی انت۔ آئی ئَ گشتگ کہ ماں آزاتی صحافی ئُُ میڈیا اندسٹری ئِ دیمروی ئِ ھاتر ئَ میڈیا تنظیم آں گوں یکجا کار کنگ ئَ انت پرچاکہ اے جمہوری سیاسی نظام ئِ ھاتر ئَ المی انت۔ آئی ئَ گشتگ کہ مئے یقین انت کہ مئے وانوکیں ئُُ با خبر شہری ملکی دیمروی ئُُ وشحالی ئَ فعال کردپیش داشت کنا نت اائی ئَ گشتگ کہ حوکمت میڈیا ئِ ایراد گیری ئِ خیر مقدم کنت ئُُ چاگرد ئِ سروکی ئُُ واچ ڈاگ ئِ پڑ ئَ ایشی کرد ئَ منیت پرچاکہ میڈیا حکومتی پالیسی ئَ جوڑ کنگئِ ھاتر ئَ وتی قیمیت رائے دنت۔
