کابل ۔ 15 دسمبر (اے پی پی) پاکستان ءُُ افغانستان ءَ دودیمی بیئپار سیاسی ءُُ ربیدگی سیادی ءَ را دیما برگ ءِ سرا تپاک کتگ۔اے تپاکی ھپتگ ءَ کابل ءِ تہ سئے فریقی دیوان ءِ ساعت ءَ دری کارانی بنجاہی وزیر مخدوم شاہ محمود قریشی ءِ اوگان صدر اشرف غنی ءِ گوما گند ءُُ نند ءِ ساعت ءَ طئے بوتگ۔گند ءُُ نند ءِ ساعت ءَ دودیمی سیادی ءَ را گہتر جوڈ کنگ ءِ ھوار دگہ ھاسیں دمگی ءُُ وت مہ وتی اندوہناکی ءِ معاملاہانی سرا ھیال ریچی کنگ بوتگ۔افغان صدر ءَ افغان مفاہمتی عمل ءِ ھوالہ چہ سئے فریقی گپ ءُُ تران ءِ تہ شریداری ءُُ کمک ءِ سدکی ءِ سرا دری کارانی وزیر شاہ محمود قریشی ءِ منت گپتگ انت۔دری کارانی وزیر شاہ محمود قریشی ءَ اے ساعت ءَ گوشت کہ سہ فریقی گپ ءُُ ترانی فورم ءِ گوما رھوت ءِ پراھی ،دمگ ءِ تہ امن ءُُ گہبودی ءَ کمک رسیت۔افغانستان ءِ تہ امن ءُُ گہبودی نہ ایوکا دوئیں ملکانی ھاترا بلکہ دراھیں دمگ ءِ ھاترا گہتری ءِ سبب بیت۔دری کارانی وزیر شاہ محمود قریشی ءَ دومی سئے فریقی مذاکرات ءِ گہتریں برجمی ءِ سرا اوگان صدر اشرف غنی ءَ را مرادباتی داتگ۔
