اقوام متحدہ۔ 13دسمبر (اے پی پی) اقوام متحدہ نا جنرل اسمبلی ٹی پاکستان و فلپائن نا کنڈان بین المذاہب و بین الثقافتی ہم آہنگی ءِ مون آ دننگ کن پیش کروک قرارداد آ شرہ کننگا تانکہ دنیا ٹی امن و ایمنی نا کلچر ءِ مون آ دننگ کن عدم تشدد آ مبنی تعلیم ، سگ و تین پہ تینی کمکاری نا ودکی کن کسر اس آوار کننگ مرے۔ 193باسکی جنرل اسمبلی نا دیوان آن پد اقوام متحدہ ٹی پاکستانی سفیر ملیحہ لودھی ’’اے پی پی‘‘ تون ہیت وگپ کرسا پارے کہ اینخو نا سال جہانی کہول آ دودوربیدگی و مذہبی ڈائیلاگ نا مثبت اڈتننگ کن 49 آن زیات ملک آتا ریکارڈ کہول آ قرارداد نا مخ تفی ءِ کرینو۔ اوپارے کہ اقوام متحدہ نا جنرل اسمبلی یو این نا چارٹر و انسانی حق آتا تنظیم نا نظریہ نا رداٹ باسک ملک آتیا زورشاغانے کہ مچ آ دنیا ٹی انسانی حق و بنداوی حق آتا آجوئی تا فراوانی ءِ المی جوڑ کننگ کن گام گیج کیر۔ اوپارے کہ داوخت آکثیر القومی مذاکرات آ زور ءِ و دنیا نا چندی ملک آتے ٹی اسلام نا برخلاف منفی پروپیگنڈا نا چٹفنگ کن مذاکرات نا گرج ءِ۔
