راولپنڈی۔ 03مئی (اے پی پی) چیف آف آرمی اسٹاف جنرل راحیل شریف پاہو نا سزا ہلوک آ پین 11دہشت گرد آتا سزا نا توثیق ئِ کرے، فوجی عدالت آتا کنڈآن دا دہشت گرد آتے سلہہ بند فوج، کانود نافذ کروک آ ادارہ غاتا ورنا، شاری تیا جلہو، خون، برمتہ، تعلیمی ادارہ ، مواصلاتی نظام و ماڑی تے بھس کننگ نا واقعہ غاتے ٹی اوار مننگ آ پاہو نا سزا بنفنگاسس ، غٹ دہشت گرد آتا تعلق کالعدم تنظیم تحریک طالبان پاکستان آن ئِ۔ پاک فوج انا شعبہ تعلقات عامہ (آئی ایس پی آر) نا رداٹ چیف آف آرمی اسٹاف جنرل راحیل شریف 11دہشت گرد آتا پاہو نا سزا تا فیصلہ غاتا توثیقئِ کرینے ، آئی ایس پی آر نا کنڈآن جاری سرجم حوال آتا رداٹ محمد عمر ولد دلیل خان ہرا ٹی ٹی پی نا متحرک کارندہ ئسک، ٹرائل کورٹ اٹی مجسٹریٹ نا مون آ سلہہ بند فوج و کانود نافذ کروک آ ادارہ غاتیا جلہو کننگ نا اعتراف جرم کریسس ہراٹی بھاز انگا قیمتی جان تا زیان مس، ہراڑآ عدالت اودے مسہ ڈوہ ثابت مننگ آ پاہونا سزا بنفیسس۔ حمید اللہ ولد محمد غازی ، رحمت اللہ ولد عمر دین ، محمد نبی ولد دلاور شاہ و مولوی دلبر خان ولد کاشکر تحریک طالبان پاکستان نا متحرک کارندہ غاک ئُ۔ او فک کانود نافذ کروک آ ادارہ غاتیا جلہو کریسر ہرانا نتیجہ ٹی ایس ایس پی پولیس محمد ہلال خان،کرنل مصطفی جمال و کیپٹن اشفاق شہید مسوسر۔ ٹرائل کورٹ اٹی غٹ ڈوہ تا اعتراف آ اوفتے پاہو نا سزا بنفنگاسس۔
