اسلام آباد ۔ 03مئی (اے پی پی) بنجائی وزیر خزانہ سینیٹر اسحاق ڈار پارینے کہ یورپی و ایشیائی ملک آتے ٹیرف و نان ٹیرف اڑاند آتے مر کرسا تینا منڈی تے ملوئی مرے،دا چرجوئی ٹی ساڑی آ انتظام آ نظرثانی کننگ نا گرج ئِ۔ او سے شنبے آ جرمنی نا شار فرینکفرٹ اٹی ایشیائی شونداری بینک انا بورڈ آف گورنرز نا سالانہ دیوان نا وخت آ ایشیائ۔یورپ اقتصادی کمکار و واپار و زرکاری نا مون آ دننگ آن بابت تران کریکہ۔ وزیر خزانہ تیناتران اٹی جہانی واپار نا نمو ٹی کمتی نا ایشیاءیورپ اقتصادی کمکاری آ اثرات، یورپی مک آتون اقتصادی کمکاری ٹی ودکی و تین پہ تینی مفاد اٹی اودے متنوع جوڑ کننگ آن بابت معاملہ غاتیا درشان خیال کرے۔ اوپارے کہ انفراسٹرکچر نا فنانسنگ کن شونداری بینک آتے مون آ بروئی مرے۔ وزیر خزانہ حقوق ملکیت و دانش و ای کامرس ئِ مون آ دننگ آہم زورشاغا۔ ایشین انفراسٹرکچر انوسٹمنٹ بینک ناصدر لی کوئن جن، کے ایف ڈبلیو نا چیف ایگزیکٹو آفیسر الرچ شروڈر، جائیکا و ایشیائی شونداری بینک انا نائب صدرآک ہم سیمینار آن تران کریر۔
