بنوں۔ 3مئی (اے پی پی) مزن وزیر محمد نواز شریف ئَ تچک ئَ تچک گوشت کہ آ تولگ آں چہ تُرسوک نہ اِنت۔ اُلس ئَ مار دلبڈی ئُُ ھلاپ کنوک آناں پروش داتگ۔ اُلس ئِ کمک ئُُ ملکی دیمروئی ئِ ایجنڈا آنی سر ئَ کار ئَ جاڑی کن آں۔ یک آنہ ئِ ئے لچی ٹگی ثابت بوت گڈا نواز شریف وتی لوگ ئَ واتر بیت، نوکیں پاکستان ئِ واب سرجم بوھگ ئَ اِنت۔ خیبر پختونخوا ئَ مئے حکومت نہ اِنت بلے صوبگ ئِ اُلس ئِ اِزمت ئِ ھاترا اِدا اتکگ آں۔ آئی ئَ اے ھیالانی درشانی سئے شمبے ئَ مزنیں مچی ئَ گوں تران کنان ئَ گوشت اَنت۔ مزن وزیر ئَ گوشت کہ ما بے پائیدگیں ایراد گروکیں مردمانی ٹوک ئِ پد ئَ لوگ ئَ واتر نہ باں۔ آئی ئَ گوشت کہ 2013ئَ ھر کس ئَ صوبہ ئِ خیبر پختونخوا ئِ اُلس ئَ را دروگیں واب پیش داشتگ آواں اِدا ھِچ نہ کتگ۔ پنجاپ ، سندھ، بلوچستان ئِ اُلس اے وڑیں دروگیں گپ آں بِھ باور نہ کناں۔ آئی ئَ گوشت کہ اے دروگ بندوک نوں شمے کِرا پہ ھال پُرسی ئَ نیا اَنت۔ اے مردماں پیسر ئَ گریت کہ گچین کاری ئِ تہ ئَ دھاندلی بوتگ، مارا اِلزم ئِ جت ، آ سپریم کورٹ ئَ شُت اَنت ، شاہ آمید گس ئَ آرا گوشت کہ 2013ئَ اِچ دھاندلی نہ بوتگ، اے گپ آوانی واستہ مزنیں پشلئی یے گپ اَت، بلے آواں اے زانگ نیست آواں باید اِنت ماپی بہ لوٹ اِتیں۔ مزن وزیر ئَ گوشت کہ آ یک رند ئِ پد ئَ الزام جنگ ئَ اَنت ، اے اے بابت ئَ آمید گسی کمیشن ئِ جوڑ کنگ ئِ جار جتگ، چیا کہ مئے زنچِک ساپ اِنت ئُُ ما اِچ کرپشن نہ کتگ۔ نواز شریف ئَ گوشت کہ آ پاکستان ئِ دیمروئی ئُُ اُلس ئِ گہبود ئِ ایجنڈا آنی سر ئَ کار کنگ ئَ اِنت۔اُلس ئِ اِزمت ئَ کنگ ئَ را ما کتگ ئُُ پیش داشتگ۔ ڈی آئی خان تاں انڈس ہائی وے دگ ئِ جوڑ کنگ ئِ کار ئَ را بندات کنگ بوتگ۔ چائنہ پاکستان اکنامک کوریڈور ئِ جوانیں برورد دیم ئَ کئیت۔ 2018ئَ لوڈشیڈنگ ھلاس کنگ بیت۔ دمگی مردم آناں سستائیں بجلی پُجارینگ بیت۔ کارخانہ آناں بیست ئُُ چار کلاک ئَ بجلی دیگ بوھگ ئَ اِنت۔ ایش زوت اُلس ئَ را پُجارینگ بیت۔ آئی ئَ گوشت کہ من پشاور شنکیاری مانسہرہ ئُُ خیبر پختونخوا ئِ ھر جاھ ئَ تر ئُُ تاب ئَ شتگ آں آھودا من کوھنیں وانگ جاھ، نادُراھ جاھئُُ پرشتگیں سڑک شوہازتگ۔ 3سال ئَ کے پی کے ئِ حکومت ئَ اِچ نوکیں گامگیج پہ ، بنوں ، لکی مروت، گوریچانی وزیرستان ئَ نہ کتگ۔ مرچی ماں نوکیں بنوں ئِ واستہ اِدا اتکگ آں۔ آئی ئَ گوشت کہ بل اِت کہ مئے حکومت خیبر پختونخوا ئَ نہ اِنت، جے یو آئی ئُُ مسلم لیگ (ن) ئِ سیٹ آنی سر ئَ مئے حکومت بوت اِنت گڈا نوکیں خیبر پختونخوا ھر کس ئَ دیستگ اَت۔ آئی ئَ گوشت کہ ما مرچی نوکیں کے پی کے ئِ جوڑ کنگ ئِ بندات کتگ۔ آئی ئَ گوشت کہ ما دُرساں چہ پیسر ئَ 1991ئَ موٹروے دگ ئِ جوڑ کنگ ئِ واب دیستگ بوتگ، ایشی نوں پورا کناں ، چریشی ئَ بازیں نوکیں کشک رندگ بیت۔ ایش اُلس ئِ وشھالی ئَ جوانیں گام اِت۔ بُنجاھی وزیر اکرم خان درانی ئِ سک باز منت وار آں کہ آئی ئَ باز براں گوما دیمروئی گامگیج آنی بابت ئَ گپ ئُُ تران کتگ۔ آئی ءَ گوشت کہ ما اُلس ئِ وشھالی ئِ ھاترا ھر ساھت ئُُ کترہ وتارا تیار کتگ۔آئی ئَ گوشت کہ لکی مروت ئُُ کرک ئَ پاسپورٹ آفس جوڑ کنگ ئِ کار بندات کنگ بوتگ۔ آئی ئَ گوشت کہ گوریچانی وزیرستان ئَ آماچیں مردم مارا وتی جالن ئَ چہ زیات دوست تراَنت، آوانی زوت واتری ئِ کار گوں تُرندی ئَ جاڑی اِنت۔ آئی ئَ گوشت کہ بنوں ائرپورٹ ئَ را میاں اوستمانی جوڑ کنگ ئِ جار ئَ جناں ، تانکہ اے دمگ ئِ مردم آسراتی ئُُ آسانی ئَ گوں بالی سپر ئَ بکن آں۔ گڈ ئَ مزن وزیر ئَ مولانا فضل الرحمٰن، اکرم خان دُرانی ئُُ انجینئر امیر ئِ مقام ئِ گوما دست مہ دست بوت ئُُ نوکیں پاکستان ئِ جوڑ کنگ ئِ جار جت۔ ایشی ئَ چہ پیسر مچی ئِ دیوان مزن وزیر ئِ پجگ ئَ پد اکرم خان درانی ئَ مزن وزیر ئَ را ربیدگی پاگ ئِ سر ئَ داتئُُ مہمان آناں بنوں ئِ ھاسیں چادر ئِ ٹیکی دات۔ مچی ئِ تہ ئَ مسلم لیگ (ن) ئِ رہنما پیر صابر شاہ، گورنرخیبر پختونخوا اقبال ظفر جھگڑا ئَ ھوار ایندگہ بازیں باسک آں بھر زُرت۔ مزن وزیر ئَ بنوں ئَ بازیں دیمروئی منصوبگ آنی بُن ھشت ایر کُت۔ اے موہ ئَ مولانا فضل الرحمٰن ئَ دُعا ئِ نیک کُت۔
