بنوں۔ 3مئی ( اے پی پی) مزن وزیر محمد نواز شریف ئَ دو ٹوک وڑ ئَ گشتگ انت کہ آ روبا ئِ توار ئَ ترسوک نہ انت۔ اُلس ئَ مارا مینڈیٹ ئُُ مخالفین آں شکست داتگ۔ اُلس ئِ ھذمت ئُُ ملکی دیمروی ئِ ایجنڈا ئِ ترندی ئَ پیروی برجاہ دارگ بیت۔ یک پائی ئِ کرپشن ہم ثابت بہ بیت گڑا نواز شریف یک منٹ ئَ گِس ئَ روت، نوکیں پاکستان ئِ وابئِ تعبیر رسگ ئَ انت، خیبر پختونخوا ئَ مئے حکومت نیست بلے ماں صوبہ ئِ اُلس ئِ ھذمت ئِ ھاتر ئَ ادا آتگ انت۔ اے ھیال آنی درشانی آئی ئَ سے شمبےئَ عظیم الشان اُلسی اجتماع ئَ تران کنگ ئَ کرتگ۔ مزن وزیر ئَ گشتگ کہ ماں بلا جواز ایراد گیری کنوک مخالف آنی گشگ ئِ سرا گِس نہ رواں۔ آئی ئَ گشتگ کہ 2013ئَ کجام مہلوک ئَ صوبہ خیبر پختونخوا ئِ اُلس ئَ شریں واب نشان دات انت آھاں ادا ھچ نہ کرت انت۔ پنجاب ، سندھ ، بلوچستان ئِ مہلوک انچیں شریں واب ئَ نہ پس انت۔ آئی ئَ گشتگ کہ اے واب نشان دﺅک نوں شمے گوں ملگ ئَ نہ کا ئینت۔ اول ئَ اے مہلوک ئَ تاں دو سال ئِ گریوگ گریت انت ئُُ سپریم کورٹ ئَ معاملہ شتگ ئُُ سپریم کورٹ ئَ گشتگ کہ 2013ئِ گچین کاری دھاندلی نہ بوتگ اے مخالفین ئِ دیم ئَ چھانپٹ انت بلے دھاندلی ئِ ڈوبہ جنوک آں معاپی ہم نہ لوٹت انت۔ مزن وزیر ئَ گشتگ کہ یک بار پدا مرچی نوکیںڈوبہ جنئگ ئَ انت، ماں اے ھوالہ ئَ امید گِس کمیشن ئِ قیام ئِ جار جت انت پرچاکہ مئے دامن ساپ انت ئُُ ماں ھچ کرپشن نہ کرت انت۔ نواز شریف ئَ گشتگ کہ آ پاکستان ئِ دیمرویئُُ اُلس ئِ بہبود ئِ ایجنڈا ئِ سرا عمل کرتگ انت۔
