مراکش و لبنان مبصر نا وڑاٹ اوار مریرہ
قاہرہ۔ 01نومبر (اے پی پی) مصر اٹی (پگہ) جمعہ نادے آن اولیکو وار ’’عربوں کی ڈھال 1‘‘ نا پن اٹ اسیجا فوجی مشق آک بناکیرہ۔ دا مشق آک محمد نجیب فوجی اڈہ و بحر روم انا دنگ اٹی اسیجا چاگڑدی و بحری تربیت نا علاقہ غاتے ٹی مریرہ۔ العربیہ ٹی وی نا رداٹ 16نومبر اسکان برجاسلوک آ دا مشق آک مصر و برادر عرب ملک آتا نیام اٹ اسیجا عسکری کمکاری نا تعلق ءِ سپورٹ کننگ نا اسہ کڑی اسے و دانا مسخت اسیجا عسکری ہدف آتا دوئی کننگ ءِ۔مصری فوج انا عسکری ترجمان کرنل تامر الرفاعی نا رداٹ مشق آتے ٹی بشخ ہلنگ کن عرب ملک آتا ڈغاری ، بحری و چاگڑدی فورس آک مصر آ سرمننگ بناکرینے۔ مشق آتے ٹی میزبان ملک مصر آن بیدس سعودی عرب، متحدہ عرب امارات ، کویت، بحرین و اردن بشخ ہلنگ ءُ۔ داکان بیدس مراکش و لبنان مشق آتے ٹی مبصر نا وڑاٹ اوار مریرہ۔
