اسلام آباد۔ 30 اکتوبر (اے پی پی) مزن وزیر عمران خان ءَ کشت ءُُ کشاری شوبگ ءَ استیں جاور ھال آنی سر ءَ نہ وشی ءِ درشان کنان ءَ گوشت کہ کشت ءُُ کشاری شوبگ ءَ دیمروئی پی ٹی آئی حکومت ءِ ایجنڈا ءِ ھاسیں بھر اِت۔ دھکان آناں کمک پُجارینگ ءُُ گہتریں کار رپک آنی کارمرد ی کنگ ءِ ضلورت انت کشت ءُُ کشاری شوبگ ءَ چینی ازمکاری ءَ چہ گیشاں گیش سیت چست بوت کنت۔ کشت ءُُ کشاری ءَ چین ءِ گوما کمک ءَ را گیش ودینگ آئی ءِ نوکیں چین ءِ تر ءُُ تاب ءِ بنداتی ایجنڈا ءِ تہ ءَ ھوار اِنت۔ آئی ءَ اے گپ سئے شمبے ءَ مزن وزیر کارگس ءَ دیوان ءِ سروکی کنان ءَ کت اَنت۔ مزن وزیر ءَ را گوشگ بوت کہ گوستگیں بازیں سال آں چہ دیمروئی پڑ اوشت ءِ آماچ اِنت۔ دھکان آنی دیمروئی ءَ سک باز کم کار کنگ بوتگ۔ آئی ءَ را گوشگ بوت کہ گوستگیں وھدءَ پڑ ءُُ پولی پڑ ءَ را ڈلگچار کنگ بوتگ ایشی ءِ سبب ءَ اے شوبگ ءَ گیش دیمروئی گام جنگ نہ بوتگ۔ مزن وزیر ءَ را گوشگ بوت کہ استیں ءَ لھمیں کار رپک آناں دارگ بوت کنت ءُُ زوتاں زوت توا میں پریک آناں جوانیں کوشست کنگ ءَ ھوار مھکمیں ءُُ آسریں گامگیج آنی وسیلگ ءَ جاور ھال آنی تہ ءَ گہتری آرگ بوت کنت۔
