ریاض۔29اکتوبر(اے پی پی) سعودی پبلک پراسیکیوٹر سعود المجیب جمال خاشقجیءِ کوشءِ جستءُ پدءَ ترکی ءَ سربوتگ اَنت۔ ترک حال رسانکی ادارگ انادولو ءِ گشگءِ ردءَ المجیب استنبول ءِ پبلک پراسیکیوٹرءَ گوں گندءُ نند کنت۔ گوستگیں روچءَ ترک صدر رجب طیب اردوآن ءَ گشتگک کہ آ پبلک پراسیکیوٹرز ءِ اے گندءُ نند ءَ را ساڑائیت۔ بلے اے ہوالگءَ سرپدی نیست کہ اے گندءُ نندکدی بیت۔زانگ بہ بیت کہ آ دو اکتوبر ءَ صحافی جمال خلشقجی استنبول ءَ استیں سعودی قونصل خانہ ءَ کوشگ بوتگ۔ اے وئیل ءَ پد سعودی عرب ءَ را میاں اوستمانی ایر جنگ بوہگءَ ایں ، وہدے کہ سعودی ولی عہد شہزادہ سلمان ءَ گشتگ کہ آئیءَ اے ہوالگءَ ہچ سرپدی نیست بلے کشندہ الم ءَ دزگیر کنگ بنت۔
