جکارتہ۔29اکتوبر(اے پی پی) انڈونیشیا ءِ حکام ءَ گشتگ کہ بالی کمپنی لائن ائیر ءِ یک گرابے جکارتہ ءَ بال کنگءَ پد زِرءَ کپتگءُ تباہ بوتگ۔ برطانوی شنگءُ تالانی ادارگءِ گشگءِ ردءَ گراب جے ٹی 610انڈونیشیا ءِ بنجا ہی حکومت جکارتہ ءَ چہ بنگکا بیلی ٹنگ زرناب ءِ شہر پنگکال پینانگءَ رہادگ بوتگ۔ یک کانفرنس ئے ءَ حکام ءِ ردءَ گرابءَ سئے زھگاں ہوار 178مردم سوار بوتگ اَنت۔ گراب ءَ دو فلائلٹ ءُ عملہءِ پنچ نپر ہوار بوتگ اَنت۔ تاں انگت کسے ءِ زندگ بوہگءِ حال سرنہ اِنت۔ گراب جے ٹی610سھب ءِ 6بجءُ 20ملنٹءَ بال کنگءِ لھتیں وہداں پد کنٹرول ٹاورءَ چہ حال ءُ اھیوال بند بوتگ۔ انڈونیشیا ءِ راجی پدگیر ءُ ریسکیو ایجنسی ءِ جارچین یوسف لطیف ءَ نمائندگ اَناں گشتگ کہ اے پکہ بوتگ کہ گراب وئیل ءِ آماچ بوتگ۔ ریسکیو ءُ سرچ آپریشن جاری اِنت۔ انڈونیشیا ءِ ڈیزاسٹرایجنسی ءِ جارچین سوتوپو پرؤہ نگروہو ءَ ٹویٹرءَ لھتیں عکس دیم داتگ کہ ایشاں چہ گشگ بوہگءَ ایں کہ آ گراب ءِ چُنڈ اَنت۔
