حکومت گوادر شہر ءَ را سرسبز ءُُ نمب ءُُ ناسی رنگ ءَ جوان جوڑ کنگ ءِ واستہ 10 لکھ درچک کشگ بوھگ ءَ اِنت
اسلام آباد ۔ 29 اکتوبر (اے پی پی) ادارُکی صدر ءُُ سینٹ ءِ چیئرمین صادق سنجرانی ءَ گوشت کہ حکومت گوادر شہر ءَ 10لکھ درچک کشگ ءِ گامگیج کنگ ءَ اِنت تانکہ شہر ءَ جوانیں نمب ءُُ ناسی موسم بہ بیت۔ ایشائی پارلیمانی اسمبلی کمیٹی برائے سیاسی کار ءِ بنگیجی دیوان ءَ بھر زوری ءَ پد دو شمبے ءَ گوادر ءَ میڈیا ءَ گوں تران کنان ءَ آئی ءَ گوشت کہ بُنجاھی وزیر سائنس ءُُ ٹیکنالوجی سینیٹر اعظم خان سواتی ءَ گوں گوادر ءَ 10 لکھ درچک کشگ ءِ واستہ گوشت کہ ایشی ءِ پسو ءَ بُنجاھی وزیر ءَ منصوبگ ءِ سر ءَ کار کنگ ءِ زمہ واری قبول کتگ۔ گوادر ءَ چہ موصولہ پریس ریلیز ءِ رد ءَ صادق سنجرانی ءَ گوشت کہ ھندی نودربر ٹوھیں زانشت ءِ پُجاری گوادر ءَ کامسیٹس یونیورسٹی ءِ سٹیٹ ااف دی آرٹ کیمپس ھم جوڑ کنگ بوھگ ءَ انت۔ آئی ءَ گوشت کہ گوادر مئے اولی ترجی اِنت۔ اے رنگ ءَ ادارکی صدر ءَ گوشت کہ گوادر ءَ ورگ ءِ واستہ ساپیں آپ ءِ پُجاری 0.5 ملین گیلن ھمک روچ ءَ چہ 2.5 ملین گیلن ھمک روچ ءَ ودینگ بوتگ۔ آئی ءَ گوشت کہ ایشیائی پارلیمانی اسمبلی ءِ ھاسیں کمیٹی ءَ گوادر ءَ دیوان ءِ برجائی ءَ چہ دمگ ءِ دیمروئی ءِ گوما ادا درملکی سرمایہ کاری ءِ دیمروئی ءَ کمک رسیت۔ آئی ءَ گوشت کہ ایندگہ دور ءُُ گستائیں دمگ آں ھمے رنگ ءِ دیوان آنی برجائی ءِ شور ءُُ سلاھ پیش کنا ءَ گوشت کہ ایشی ءَ چہ پاکستان ءَ سرمایہ کاری ءِ بابت ءَ درملکی سرمایہ کار آناں گوشگ ءِ کمک رسیت کہ پاکستان یک ایمنیں ءُُ سرمایہ کار دوستیں ملک اِت۔
