اسلام آباد۔ 29 اکتوبر (اے پی پی) بنجائی وزیر اطلاعات و نشریات چوہدری فواد حسین پارینے کہ ایوان بالا نا ایشیائی پارلیمانی سرکڑدہ غاتا دیوان ءِ بٹنگسا اوفتے یکجا کننگ بے کچ اہم ءُ گام گیج اسے، سینیٹ آف پاکستان نا کنڈآن دا کانفرنس نا اڈتننگ بھاز ستاکڑزک۔ سیاسی سرکڑدہ و ریاستی ادارہ غاتے کن دا ہیت است جمی نا سوب ءِ کہ سینیٹ آف پاکستان ڈیہہ ٹی گچین رابطہ غاتے کن دا کانفرنس ءِ اڈ ترفینے۔ دوشنبے نادے ایشیائی پارلیمانی اسمبلی کانفرنس نا پاکستان اٹی اڈتننگ آ تینا کلہو اٹی بنجائی وزیر اطلاعات و نشریات چوہدری فواد حسین پارے کہ ایشیائی و ڈیہہ آن پیشن ملک آتون مربوط و دوستانہ رابطہ تخنگ ننا ایجنڈا ءِ۔ اوپارے کہ دا فورم ایشیائی ملک آتے ٹی علاقائی کمکاری ءِ مون آ دننگ کن پلیٹ فارم اس فراوان کیک۔ اوپارے کہ دیوان تے کن پاکستان نا کنڈآن تیار کروک آ قراداد، آخبت نا لائحہ عمل ، ڈیہہ ٹی شونداری کن مزل نا نشان اس مریک۔
