اسلام آباد۔ 29اکتوبر (اے پی پی) برطانوی ہائی کمشنر تھامس ڈریو غٹ بشخ جاٹ خاص کر سیکورٹی واپار، سجفوک ڈوہ ، احتساب ومیرات آتا بازیابی ٹی پاکستان تون کمکاری ءِ سوگوی تننگ کن تینا حکومت نا است خواہی نا اعادہ ءِ کرینے۔ اوداہیت انا درشانی ءِ وزیر خارجہ شاہ محمود قریشی تون دوشنبے نادے دفترخارجہ ٹی اوڑدہی ٹی کرے ہراٹی ہڑتوم آک گیشتر ہڑتوم آ کنڈآتا و علاقائی معاملہ غاتیا خیال آتا درشانی ءِ کریر و تینا تعلقداری تا ساڑی آ حالیت آتیا است جمی ظاہر کریر۔ داڑے دفترخارجہ نا کنڈآن جاری بیان نا رداٹ وزیر خارجہ شاہ محمود قریشی واپاری و اقتصادی تعلقداری و گیشتر السی رابطہ غاتا مون آ دننگ آ زور شاغا۔ او جان جوڑی و تعلیم نا بشخ آتے ٹی کمکاری نا فراوانی آ برطانیہ نا ادارہ جہانی شونداری (ڈی ایف آئی ڈی) نا کڑد انا ہم ستاءِ کرے۔
