اسلام آباد۔ 29 اکتوبر (اے پی پی) چین پاکستان اقتصادی راہداری (سی پیک) نا رداٹ 720 میگاواٹ تخوک پن بجلی نا اولیکو کروٹ پن بجلی گھر ڈٹ 2021 ء ٹی پورو مریک۔ وزارت دیر و بجلی نا کمامدارآتارداٹ دا بجلی گھر دریائے جہلم آ جوڑ کننگ انگ ءِ، صوبہ پنجاب نا علاقہ کروٹ اٹی جوڑ کروک آ دا اولیکو پن بجلی گھر ءِ ہرادے چین نا کمپنیک چینی آب انا رداٹ جوڑ کننگ ءُ۔ اوپاریر کہ دا ڈٹ انا پوروی آن پد سالانہ فی گھنٹہ 3ارب 20 کروڑ کلو واٹ بجلی ودی مریک ہرا 2017 ء ٹی پاکستان اٹی ودی کروک آ پن بجلی نا 10 درسدنا بریبر مریک۔ دا ڈٹ آن ودی مروک آ بجلی پاکستان نا چل لکھ آن زیات اُراتے کن بس مریک ہرا 2021 ء ٹی کاریمی مریک۔
