اسلام آباد۔ 29اکتوبر (اے پی پی) قومی احتساب بیورو(نیب) راولپنڈی دوشنبے نادے اسہ دود اسے ٹی 32زہمی و سرکاری ادارہ غاتے ٹی 13.141ملین روپئی بشخ وپانٹ کرینے۔ داوخت آ ڈائریکٹر جنرل نیب عرفان نیم منگی مہمان خاص ئس او زہمی و سرکاری ادارہ غاتے ٹی چیک بشخ وپانٹ کرے دود آن تران کرسا ڈائریکٹر جنرل نیب راولپنڈی عرفان نیم منگی دا عزم انا اعادہ ءِ کرے کہ چیئرمین نیب جسٹس جاوید اقبال نا سرکڑدہ ہی ٹی راج ءِ بدعنوان عنصر آتیان پاک کننگ کن اوفتا برخلاف کارروائی ءِ برجاتخک تانکہ لمہ وطن ءِ کرپشن فری پاکستان اس جوڑ کننگ نا تغ پورو مننگ کے۔ اوپارے کہ نیب بدعنوانی نابرخلاف زیروٹالرنس نا پالیسی آ عمل کننگ ءِ۔ نیب تعلقدار کڑدہ غاتا کمک اٹ وڈی خوری نا چٹفنگ کن پرعزم ءِ۔ ٹیلی ٹاؤن پرائیویٹ لمیٹڈ و ایلو فتا برخلاف مقدمہ ٹی ہندا کمیٹی 2004-2007 ء ٹی سی ڈی اے نا منظوری آن بیدس اشتہار تس 2323پلاٹ و فائل آتے بہاکرے و الس آن غیر کانودی وڑاٹ 313ملین روپئی یکجا کرے۔ میسرز ٹیلی ٹاؤن پرائیویٹ لمیٹڈ سی ڈی اے آن سرجمی لے آؤٹ پلان نا منظوری ءِ ہلتو ۔ نیب اٹی پلاٹ آتا ریفنڈز اکن 200 باسک آک کم وود 30ملین روپئی نا کلیم جمع کرفیر ہندا سوسائٹی نا انتظامیہ نیب راولپنڈی ٹی زیر التواء کلیم تا چرجوئی ٹی پلی بارگین نا درخواست تس۔ اوفتا 30.02ملین روپئی پلی بارگین نا درخواست منظور کننگا۔ اِرامرحلہ ٹی نیب راولپنڈی کلیم تے پک کننگ آن پد 50زہمی تیٹی 11.54ملین روپئی بشخ وپانٹ کرینے۔
