اسلام آباد۔ 29 اکتوبر (اے پی پی) چین پاکستان اقتصادی راہداری ڈٹ(سی پیک ) آن روزگار نا لکھ آ وارخواہی ودی کننگ تون اوار اوار نیزگاری نا کچ اٹی نمان کمتی اتنگک۔ سی پیک نا رداٹ ملک اٹی برجاچندی شونداری ڈٹ آتیا 75ہزار آن زیات پاکستانی روزگار نا دوئی ٹی لگوک ءُ ۔ سی پیک سیکرٹریٹ نا کمامدارآتارداٹ سی پیک ڈیہہ نا اسیجا شونداری و شونہالی نا ضامن ءِ و پاکستان آخبت اٹی سی پیک ڈٹ انا پوروی آن پد تینا جغرافیائی محل و وقوع نا سوب یورپ و ایشیائی ملک آتا نیام اٹ پول انا کڑد ءِ ادا کیک ہراڑآن ڈیہہ نا واپار، اقتصادی و راجی رابطہ غاتا ودکی ٹی کمک رسینگک۔ اوپارے کہ معاشی وڑاٹ سوگو پاکستان ہی دہشت گردی و انتہاپسندی ءِ شکست تننگ کیک ہراڑآن ڈیہہ نا علاقائی امن و سوگوی و شونداری و شونہالی ءِ المی جوڑ کننگ کیک۔ پاکستان اٹی اقتصادی و صنعتی شونداری کن پاک چین اقتصادی راہداری نا رداٹ اسیجا حکمت عملی اٹ کسب کار افرادی قوت نا دستیابی و ہڑتوم آ ملک آتا کاروباری برادری نا تین پہ تین رابطہ غاتے ہم مون آ دننگ انگ ءِ۔

متعلقہ مضامینمصنف کی طرف سے مزید