کابل۔ 29اکتوبر (اے پی پی) اوغانستان اٹی الیکشن کمیشن نا ہیڈ کوارٹر نا پیشن خود کش بمب دھماکہ ٹی 2پولیس کارندہ و کمیشن نا 4عہدیدار ٹھپی مسر۔ برطانوی خبررساں ادارہ نا رداٹ کابل اٹی وزارت داخلہ نا ترجمان نجیب دانش تینا اسہ بیان اسے ٹی پارینے کہ داخودکش جلہو اٹی انڈیپیڈنٹ الیکشن کمیشن (آئی ای سی) نا 4عہدیدار و 2پولیس کارندہ ٹھپی مسنو۔ دا جلہو ہندن ءُ وخت اسے ٹی مس ہراتم آئی ای سی ٹی عہدیدار آک ہفتہ نادے قندھار اٹی مروک آ پارلیمانی الیکشن نا حساب کننگ نا بناءِ کریر۔ آئی ای سی نا اسہ عہدیدار اس تینا بیان اسے ٹی پارے کہ خودکش جلہو گیر تینے پولیس چیک پوائنٹ نا خڑک آئی ای سی نا عہدیدار نا بروک آ سلوک آ گاڈی نا خڑک سرمرسا تینے تینٹ ترخفے۔ ولے داسمامتو کہ کابل اٹی واقع داماڑی نا پیشن جلہو نا وخت اخہ بندغ ساڑی ئسر۔ یات سلے کہ قندھار اٹی صوبائی پولیس سروک نا خون آن پد پارلیمانی گچین کاریک اسہ ہفتہ سے کن پدبٹنگاسر۔
