اسلام آباد۔ 28 اکتوبر (اے پی پی) مزن وزیر عمران خان ءَ گوشت کہ کرپشن ءِ ھلاسی ءُُ ادارگہانی مھکمی ءَ گوں ملک دیمروئی کت کن ایت، سعودی عرب چہ ملوکیں پیکج ءِ ہچ شرط نیست انت ،گیش وشیں ھبر رس انت،وامانی کوھ مارءَ میراث ءَ مل اتگ انت، ایشاں چہ درکپگ ءَ زرکاری آرگ بیت، نوکیں پاکستان شہریانی نیمگا چہ حکومت ءَ را وتی سمجھگ چہ جوڈ بیت۔ ’’پاکستان سٹیزن پورٹل‘‘ چہ اولی رند ءَ دراھیں محکمہ،پارلیمنٹ باسک مہلوک ءَ را براہ راست جوابدہ بنت۔وزیر وتی محکمہ آنی کارکردگی چہ سرپد بنت، پاکستانی تارکین وطن ءُُ زرکارانی جیڈھانی ءُُ شکاست ءِ زوت حل کنگ بیت۔ایشی چہ سرکاری ملازمانی میرٹ ءِ سرا دیمروئی آسان بیت،اے نظام ءِ وڈ ءَ جزا ءُُ سزا ءِ تصور پدر بیت،ہمک ماہ شکاست ءِ ڈیٹا جاڑی کنگ بیت۔یک شمبے ءَ مزن وزیر عمران خان ءَ مزن وزیر کارگس ءِ تہ لہتیں محکمہانی ،وزارتانی ءُُ کاگسانی باروا شکاست ءِ جم کنگ ءُُ ایشانی زوت حل ءِ ھاترا پدر کتگیں نظام ’’پاکستان سٹیزن پورٹل‘‘ ءِ بنگیجی کتگ۔اے ساعت ءَ بنجاہی وزیراں،اینکرپرسنز،ہمگرنچیں واکداراں مزنیں کچ ءَ ساڑٖی اتنت۔مزن وزیر ءَ اے ساعت ءَ تران کنان ءَ گوشت کہ اے نوکیں نظام ءِ بنگیجی ءَ پاکستانی راج ءَ را مرادباتی دیئگ اوں۔اے نوکیں پاکستان ءِ علامت انت ،کوھنیں پاکستان ءِ تہ مہلوک ءَ را غلام سمجھگ بوھگ ات ءُُ ڈن ءَ چہ آھگ حاکمی کنگ ءِ تصور ات ،مہلوک ایشی چہ سرپد نیست ات کہ حاکمی ءِ تہ ایشانی ھواری انت ،راج کارگسانی تہ دھکہ ورگ ات ،کلدار ءُُ تاگت ءِ سرا ناجائز ءِ کار ھم بوھگ ات بلے نزورءِ جائز ءِ کار نہ بوھگ ات۔
