اسلام آباد ۔28 اکتوبر(اے پی پی) صدر مملکت ڈاکٹر عارف علوی ءَ یک شمبے ءَ ترکی ءِ سئے روچیں تروتاب ءَ روانہ بوھگ چہ پیسر ءَ اسلام آباد بالی پٹ ءِ سرا اھوالکاراں گوں گپ ءُُ تران کنان ءَ گوشت کہ اسرائیل ءَ را ملک ءِ بستار ءَ منئگ ءِ ہچ امکان نیست ات پرچاکہ پاکستان ءَ ہمیشہ فلسطین ءِ پلہ مرزی کتگ ات۔آہاں گوشت کہ منی حکومت نءِ تہ اے وڈیں گپے سرا ہچ راستی نیست انت ءُُ نہ اسرائیل ءَ گوں سیادی دارگ بوھگ انت۔ صدرءَ گوشت کہ راج دپتری وڈ ءَ پاکستان ءَ ہمیشہ فلسطین ءِ پلہ مرزی کتگ ات پرچا کہ کشمیر ءِ وڈ ءَ غزہ فلسطین ءِ سرا ھم قوضہ کتگ انت۔آہاں گوشت کہ اسرائیل ءَ را منئگ ءِ ہچ صلاحی نیست انت ءُُ نہ اے وڈیں گپے امکان انت۔پاکستان ءِ تہ اسرائیلی گراب ءِ آھگ ءِ حال ءِ باروا صدر مملکت ءَ گوشت کہ اے وڈیں حال تالان کنوکانی وتی بیان انی تہ پرک انت ۔یک جستے پسو ءَ آہاں گوشت کہ سعودی اھوالکار جمال خاشقجی ءِ کوش ءِ معاملہا گوں پاکستان ءِ ہچ سیادی نیست ات بلے پاکستان لوٹگ انت کہ سعودی عرب ءُُ ترکی ءِ سیادی ءِ را بحال ایر کنان ءَ اے جیڈھ ءَ را حل کنگ بیت۔عارف علوی ءَ گوشت کہ سندھ ءِ تہ گورنر راج ءِ باروا رپورٹس ءِ تہ ہچ راستی نیست انت ۔
