سیکرٹری سینیٹ امجد پرویز ملک ءِ گوما ایشیائی پارلیمانی اسمبلی ءِ ڈپٹی سیکرٹری جنرل ڈاکٹر خرم علی ءِ گند ءُُ نند

گوادر/اسلام آباد ۔ 28 اکتوبر (اے پی پی) ۔ سیکرٹری سینیٹ امجد پرویز ملکءِ گوما ایشیائی پارلیمانی اسمبلی ءِ ڈپٹی سیکرٹری جنرل ڈاکٹر خرم علی ءَ گند ءُُ نند کتگ۔سینیٹ سیکرٹریٹ ءِ میڈیا ڈائریکٹوریٹ چہ شنگ بیان ءِ ردا اے درگت ءَ ایشیائی پارلیمانی اسمبلی ءِ سیاسی امورءِ کمیٹی ءُُ ایشیائی پارلیمان ءِ جوڈ ءِ ھاسیں کمیٹی ءِ دیوان ءِ برجمی ءِ سرا ھیال ریچی کنگ بوتگ۔ سیکرٹری سینیٹ امجد پرویز ملک ءَ گوشت کہ گوادر ءِ تہ ایشیائی پارلیمانی اسمبلی ءِ کانفرنس ءِ بندءُُ بوج ءَ را گڈی دروشم دیئگ بوتگ انت ءُُ کانفرنس ءِ سوبمندیں برجمداری ھاترا بنجاہی ،صوبائی حکومتانی،ھندی انتظامیہ ءُُ ہمگرنچیں ادارگہانی نیمگا چہ سرجم کمک انت۔آہاں گوشت کہ مندوبین ءِ ھاترا دراھیں بندءُُ بوج ءُُ اسراتی پھجارگ بوھگ انت۔ ایشیائی پارلیمانی اسمبلی ءِ ڈپٹی سیکرٹری جنرل ءَ بندءُُ بوج ءِ سرا تسلہ ءِ درشان کتگ انت۔