بیجنگ ۔28 اکتوبر(اے پی پی) چین ءِ تہ پاکستان ءِ سفیر مسعود خالد ءَ گوشت کہ چائینہ انٹر نیشنل ایکسپو (سی آئی آئی ای)ءِ تہ ہڈ کتگیں پاکستانی پویلین ءِ تہ پاکستانی چیزانی نماش کنگ بیت۔آہاں گوشت کہ میاں اوستمانی نماش 5تا 10نومبر ءَ برجم دارگ بیت ءُُ چین ءِ صدر پاکستان پویلین ءِ ھاسیں تروتاب کن انت۔ اے پی پیءِ گوما ھاسیں گپ ءُُ تران کنان ءَ پاکستانی سفیر ءَ گوشت کہ میاں اوستمانی نماش ءِ تہ پاکستانی کمپنیانی بہرزوری ءَ چہ پاکستان ءِ تہ جوڈ کتگیں چیزانی نماش بیت ایشی ءَ چہ پاک چین اقتصادی رابطہ ءَ را دراجی رسیت۔آہاں گوشت کہ نماشءِ تہ امریکہ ، یورپءِ ھوار دگہ ملکانی کمپنی بہر زورگ انت ایشانی تہ 130ملکانی 2800کمپنی ھوار انت وھدیکہ 80ہزار چینی ءُُ درملکی کمپنیانی یک لکھ چہ گیش بیئپاری ڈل ھم شریدار بنت۔
