اسلام آباد۔ 27 اکتوبر (اے پی پی) پاکستان تحریک انصاف (پی ٹی آئی) ءِ حکومت ءَ مزن وزیر عمران خان ءِ کڈنی ءَ مہلوک ءِ شکاست ءِ حل ءِ ھاترا آن لائن سہولت سنٹرہڈ داتگ ات تنکہ اُلسی شکاست ءِ ھلاسی ءُُ وزارتانی وت مہ وتی کمک ءُُ گورننس ءَ را گہتر کنگ بیت۔ سرکاری واکدارءَ گوشت کہ ’’پرائم منسٹر ڈیلیوری یونٹ‘‘ءَ را گہتر جوڈ کنگ ءِ ھاترا انفارمیشن ٹیکنالوجی ءَ را نوکتریں آسراتی ءَ گوں ہمگرنچ کنگ بوتگ ات۔ایشی ءِ مکسد مہلوک ءِ آسراتی ءِ تہ ودکی ءُُ ڈن ملکاں نندوک پاکستانیانی جیڈھ ءَ حل کنگی انت۔اے نظام ءِ چہ پارلیمان باسکانی بود ءُُ معاملہانی پھجارگ ءَ را گیش گہتر کنگی انت۔ پی ایم ڈی یو ءِ ردا مزن وزیر کارگس ءُُ بنجاہی وزارتانی ،ڈویژنانی ءُُ چیف سیکرٹریز ءِ کارگس ءِ کمک ءَ را باز گہتر کنگ بیت۔آہاں گوشت کہ اے آسراتی چہ کجام ھم ھاسیں ٹاسک ءِ گہتر مانیٹرنگ کنگ بیتءُُ اے ھوالہ ءَ گوں مزن وزیر ءَ را معلومداری سر بنت۔پی ایم ڈی یو ءِ ھاترا لہتیں وزارتانی ءُُ محکمانی نیمگا چہ نامگپتیں ربالکارانی ھیلکاری ءِ عمل سرجم کنگ بوتگ ات۔
