اسلام آباد۔ 27 اکتوبر (اے پی پی) بنجاہی وزیر ھالرسانی ءُُ شنگکاری چوہدری فواد حسین ءَ گوشت کہ کشمیری راج ءِ قربانی رنگ کار انت ءُُ زوربرتگیں کشمیر ءِ مہلوک زوت آجوئی زورانت، بھارتءِ نیمگا چہ زوربرتگیں کشمیر ءِ سرا 27 اکتوبر1947ءَ درکانودی قوضہ ءِ ھوالہ ءَ گوں یوم سیاہ ءِ درگت ءَ وتی کلوھ ءَ آہاں گوشت کہ سرجمیں پاکستان کشمیریاں گوں اوشتانگ انت ءُُ ایشانی جدوجہد آجوئی ءُُ بھارت ءِ ریاستی زلم ءُُ زوراکی ءِ ھلاپ ءَ ایشانی ندرءَ را سلام پیش کنگ اوں۔آہاں گوشت کہ پاکستان ءَ نندوکیں کشمیری ءُُ سرجمیں دگنیا ءَ ھپتگ ءَ یوم سیاھ دارگ بوھگ انت پرچا کہ اے روچ ءَ بھارتی فوجاں میاں اوستمانی کانودءِ ھلاپ ورزی کنان ءَ ریاست کشمیر ءِ سرا درکانودی قوضہ کتگ ات۔
