اسلام آباد۔ 26 اکتوبر (اے پی پی) وزیر ءِ درئی کار شاہ محمود قریشی ءَ گوشت کہ متحدہ عرب امارت پاکستان ءَ آئل ریفائنری، نوکیں ایل این جی ٹرمنل برجا ءُُ مالی کمک ءِ پُجاری ءِ سر ءَ چار ءُُ بچار کنت۔ یو اے ڈل ءَ گوں پاکستان ءَ آپ، ھاٹیگ ءِ جیڈھ آنی گیواری ءُُ فوڈ پروسیسنگ صنعت ءِ دیمروئی ءَ کمک ءِ بابت ءَ گپ ءُُ تران بوت۔ آدینگ ءِ روچ ءَ متحدہ عرب امارات ءِ مزن تک ءِ ھاسیں ڈل ءَ گوں گند ءُُ نند ءَ ولی ءِ عہد ءِ نیمگ ءَ ھاسیں کلوہ پُجارینت۔ وزیر ءِ درئی کار شاہ محمود قریشی ءَ گوشت کہ یو اے ای ءِ گوما معاشی یکوئی ءَ را دیمروئی دیگ لوٹاں۔ گوستگیں 5سال ءَ یو اے ای ءِ گوما یکوئی آنی تہ ءَ مھتلی اتکگ بوتگ۔ آئی ءِ گوشگ اَت کہ ڈل ءَ اماراتی ولی عہد ءِ کلو ہ ءَ را زرتگ ءُُ آورتگ کہ متحدہ عر ب امارات پاکستان ءِ گوما یکوئی آناں گہتر جوڑ کنگ لوٹ ایت۔
