بنجاہی تیل ءُ گیس ءِ پیداوار ءَ را گیش کنگ حکومت ءِ توانائی ءِ سلامتی ءِ ایجنڈا ءِ یک کلیدی اولویت اِنت، نائب مزن وزیر اسحاق دار ءَ دیوان ءَ گوں تران کنان ءَ گشتانک

اسلام آباد۔15جولائی  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ پٹ ءُ پول ءُ پیداوار ءِ شوبگ ءِ کمیٹی ءِ دیوان ءِ سروکی ءَ کت۔ چار شمبے ءِ روچ ءَ نائب مزن وزیر کارگس ءِ نیمگ ءَ جاڑی بوتگیں بیان ءِ رد ءَ کمیٹی ءَ کلیدی گامگیج آنی سر ءَ کتگیں پیشرفت ءِ سر ءَ چار ءُ تپاسی کتگ۔ کمیٹی ءَ را دریا ءُ زمینی تیل ءُ گیس ءِ شوھازگ ءِ جاری کاروائی، دیم ءَ اتکگیں چیلنج ءُ گیس ءِ شوبگ ءَ جاری اصلاحات ءِ بابت ءَ سرپدی دیگ بوت، ایشی ءِ تہ ءَ شوبگ ءِ دراجیں مدتی دیمروئی ءِ واستہ کمکی مطالعہ ءِ سرجمی ھوار اِنت۔ نائب مزن وزیر ءَ را سرکلر ڈیبٹ ءِ گیش ءُ گیوار ءِ واستہ کوشست آنی بابت ءَ ھم سرپد کنگ بوت ءُ بنجاہی تیل ءُ گیس ءِ پٹ ءُ پول ءُ پیداوار ءِ وسیلگ ءَ مائع نیچرل گیس ءِ سپلائی ءَ را گہتر جوڑ کنگ ءِ کوشست آنی بابت ءَ ھم سرپد کت۔ نائب مزن وزیر ءَ توامیں اسٹیک ہولڈر آنی جوڑیشت ءِ کمک ءَ را ساڑات ءُ استیں چیلنج آناں گیواری ءِ واستہ وت مہ وتی رابطہ ءُ رابطہ کاری ءَ را گیش موثر جوڑ کنگ ءِ ضلورت ءِ سر ءَ زور پر دات۔ آئی ءَ اے عزم ءِ سر ءَ پدا زور پر دات کہ ملک ءَ ملکی تیل ءُ گیس ءِ پیداوار ءَ را گیش کنگ حکومت ءِ توانائی ءِ سلامتی ءِ ایجنڈا ءِ یک کلیدی اولویت اِنت ءُ اے شوبگ ءِ واستہ ایمن ءُ سازگاریں چاگرد ءِ پجارینگ ءِ واستہ حکومت ءِ سرجمیں کمک ءِ دل یکیمی دات۔ گند ءُ نند ءَ پٹرولیم ءِ وفاقی وزیر، میری ٹائم امور ءِ وفاقی وزیر، مزن وزیر ءِ ھاسیں کمکار طارق باجوہ، سیادی داروکیں وزارت آنی مزنیں حکام ءُ ملک ءِ مزنیں ریسرچ ءُ پروڈکشن کمپنی آنی سروک آنی نیمگ ءَ بھر زوری بوت۔