سیکورٹی ادارہانی سرا بے جاہیں تنقید ہچ وڑیں جاوراں قابل قبول نہ انت، پاکستان ءِ حاکمیت ءُ علاقائی یکوئی ءِ سرا ہچ وڑیں سمجھوتہ نہ بیت، دیمپانی پیداوار ءِ وفاقی وزیر

اسلام آباد۔15جولائی  (اے پی پی): دیمپان ءِ پیداوار ءِ وفاقی وزیر بیرسٹر محمد رضا حیات ہراج  ءَ مولانا فضل الرحمن ءِ بیان ءِ سرا تنقید کتگ ءُ گشتگ کہ سیکورٹی ادارگ آنی سرا بے جاہ تنقید ہچ وڑیں جاورحال ءَ قابل قبول نہ انت، پاکستان ءِ یکوئی ءُ سرزمین ءِ یکوئی ءِ سرا ہچ وڑیں سمجھوتہ نہ بیت۔ اے ھیالانی درشانی آئی ءَ چار شمبے ءِ روچ ءَ پریس کانفرنس ءَ گوں تران کنان ءَ کت اَنت۔ آئی ءَ گوشت کہ ملک ءِ علاقائی سیمسر آنی رکھینگ ءُ ناشرکاری ءِ ھلاپ ءَ جنگ ءَ پاک اُرد ءِ قربانی امر انت، اُرد ءِ قربانی سیاست ءِ واستہ دیگ مہ بیت۔ آئی ءَ گوشت کہ مولانا فضل الرحمن ءِ بیان ءَ چہ سک باز درد پیداک بوتگ، مولانا فضل الرحمن ءَ شہید آنی بے عزتی کتگ، یک مذہبی سروک ءِ نیمگ ءَ چہ غیر ذمہ داریں بیان آنی امیت نہ بوتگ۔ آئی ءَ گوشت کہ مولانا فضل الرحمن ءَ شہید آنی ھون بے حرمتی کتگ، اے وڑیں گپ یک دینی زانتکارے ءَ را وش نہ اِنت، آئی ءِ بیان ءَ شہید آنی مات ءُ پت ءُ الس بے تاھیر کتگ، آئی ءِ بیان ءَ را ءُ موساد ءِ ایجنڈا مھکم کتگ، مولانا فضل الرحمن ءَ    شہید آنی ھون آنی بے شرپی کتگ، یک دینی عالمے ءَ را اے زیب نہ دنت کہ آ چوشیں زبان کارمرز بکنت۔   وفاقی وزیر ءَ گوشت کہ اے وھد انت راج ءَ را یکجا کنگ ءُ پاکستانی فوج ءِ ھمراھی ءَ اوشتگ ءِ وھد انت، سیکورٹی ادارگ آنی سر ءَ بے جاھیں ایراد گرگ ھچ وڑ ءَ منگ نہ انت، پاکستانی راج شہید ءُ آھانی وارس آنی وامدار انت، شہید مئے سر ءِ تاج انت ءُ مئے شان انت۔ آئی ءَ گوشت کہ پاکستانی راج عزت، شرپ ءُ دلیری ءِ رد ءَ کس ءَ چہ پد نہ اِنت، پاکستان ءِ حاکمی ءُ سرزمین ءِ یکوئی ءِ سر ءَ ھچ وڑیں سمجھوتہ نہ بیت، راج دوستیں پاکستانی پاکستانی فوج ءِ کش ءَ اوشتاتگ اَنت۔ دیمپانی پیداوار ءِ وفاقی وزیر ءَ گوشت کہ ھما راج آنی جاور ھال آناں جست بہ کن اِت کہ آھانی فورسز وتی سیمسر آنی رکھینگ ءِ وس ءَ نہ کن اَنت۔ آئی ءَ گوشت کہ انصاف ءِ جنگ ءَ پاکستان ءِ سلاھبند آنی صلاحیت آناں دگنیا من ایت۔ پاکستان ءِ سلاہ بندیں اُرد ءِ قربانیانی برکت ءَ مرچی مئے سیمسر ایمن اَنت ۔