سندھ زرعی یونیورسٹی ءَ پیماز ءِ ویلیو ایڈیشن ٹیکنالوجیز ءِ ھوالگ ءَ سیمینار، ماہرین ءَ دیہی معیشت ءِ مھکم کنگ ءِ سر ءَ زور داتگ

ٹنڈوجام- 15جولائی (اے پی پی): سندھ ایگریکلچر یونیورسٹی ٹنڈوجام ءَ کلانہ آں   پیماز ءِ ارزشت ءِ گیش کنگ ءَ گوں سیادی داروکیں نوکیں ٹیکنالوجی پیش کت ءُ کٹائی ءَ پد تاوان ءَ را کم کنگ، فوڈ سیکیورٹی ءَ را گیش کنگ ءُ دیہی تک ءَ روزگار ءُ کاروباری موہ پیداک کنگ ءِ سر ءَ زور پر دات۔ انسٹی ٹیوٹ آف فوڈ سائنسز اینڈ ٹیکنالوجی ءِ نیمگ ءَ برجم داشتگیں ءُ سندھ ہائیر ایجوکیشن کمیشن ءِ مالی کمک ءَ سرجم بوتگیں پٹ ءُ پولی منصوبگ ءِ گڈی سیمینار ءَ گوں تران کنان ءَ سندھ ایگریکلچر یونیورسٹی ءِ وائس چانسلر میرٹوریس پروفیسر انجینئر ڈاکٹر الطاف علی سیال  ءَ گوشتگ کہ  روایتی پٹ ءُ پول ءَ چہ دیم ءَ بہ روت ءُ ھما ٹیکنالوجی آنی سر ءَ دلگوشی بہ دنت کہ زرعی سامان ءُ آھانی ضمنی پیداوار آناں تجارتی رنگ ءَ کارمرد کنوکیں چیز آنی تہ ءَ بدل بہ کنت دانکہ کشت ءُ کشاری ءِ آمدنی ءَ گیشی بہ بیت، نوکیں روزگار ءِ موہ ءُ ملک ءِ معیشت ءَ را مھکم بہ کنت۔ آئی ءَ گوشت کہ خام زرعی پیداوار ءَ را کمیں نہاد ءَ بہا کنگ بہ بیت۔ بھا ءُ سیم  ءِ بدل ءَ قدر ءِ گیشی ءِ وسیلگ ءَ گیشیں معاشی ارزشت ءِ پیداوار کنگ بہ بیت کہ ایشی ءَ چہ کٹائی ءَ پد ءِ تاوان ءَ را مزنیں کساسے ءَ کم کنگ بیت ءُ میتگ ءِ دمگاں ھاسیں رنگ ءَ زالبول، ورنا ءُ کسانیں کاروباری مردمانی ھاتر ءَ لوگ ءُ کوٹیج ءِ صنعت آنی واستہ نوکیں موہ پیداک بنت۔ آئی ءَ گوشت کہ یونیورسٹی آنی ذمہ واری انت کہ آ کشت ءُ کشاری، فوڈ پروسیسر ءُ صنعت کار آناں نوکیں ٹیکنالوجی، ٹیکنیکل گائیڈنس ءُ ایڈوائزری سروسز پجاری بہ کن انت تانکہ ایگرو بیسڈ انڈسٹری آناں دیمروئی دیگ بہ بیت۔ پٹ ءُ پولی منصوبہ ءِ پرنسپل انویسٹی گیٹر  ایسوسی ایٹ پروفیسر ڈاکٹر تحسین فاطمہ میانو ءَ گشتگ کہ اے منصوبہ ءِ مول ءُ مراد کم ھرچ ءُ درچ ءُ زندگ داروکیں ٹیکنالوجی ءِ دیمروئی کنگ انت دانکہ کسانیں کچ ءِ فوڈ پروسیسر، کشت ءُ کشاری گل ءُ کاروباری مردم چہ ایشی ءَ نپ چست بہ کن انت۔ آئی ءَ گوشت کہ پیماز ءِ ویلیو ایڈیشن ءَ چہ نا ایوک ءَ کشت ءُ کشاری ءِ آمدنی ءَ را گیش کنگ بیت بلکینگ ءَ برجائی کشت ءُ کشاری، فوڈ سیکیورٹی ءُ دیہی معیشت ءِ استحکام ءَ ھم کمک رسیت۔ سیمینار ءِ ساھت ءَ پٹ ءُ پولی ٹیم ءَ پیماز ءَ چہ جوڑ بوتگیں جتا جتائیں ویلیو ایڈڈ پروڈکٹس ءِ نمائش کتگ کہ ایشی ءِ تہ ءَ پیماز ءِ پاؤڈر، ڈیہائیڈریٹڈ پیماز ءِ رنگ، پیماز ءِ ٹُکر، پیماز ءِ پیسٹ ءُ پیماز ءِ اچار ھوار اَنت۔ اے موہ ءِ سر ءَ نوکیں پروسیسنگ ءُ پیکیجنگ ٹیکنالوجی ھم دیم ءَ آرگ بوتگ کہ ایشی ءَ چہ غذائیت ءِ برجائی ، پروڈکٹس ءِ شیلف لائف ءَ را گیش کنگ ءُ اسٹوریج ءُ ٹرانسپورٹیشن ءِ وھد ءَ تاوان ءَ را کم کنگ ءَ کمک رسیت۔ سیمینار ءِ تہ ءَ پاکستان زرعی پٹ ءُ پولی کونسل، فوڈ اینڈ ایگریکلچر آرگنائزیشن، جتا جتائیں یونیورسٹی، پٹ ءُ پولی ادارگ، سرکاری محکمہ، فوڈ انڈسٹری، زرعی توسیپ ءِ ادارگ، دیمروئی پسندیں کشت ءُ کشاری، استاد، پٹ ءُ پولکار ءُ نودربر آنی نمائندگ آنی بھر زوری بوتگ۔ شریکیں مردماں وتی جزم ءِ درشانی کت کہ یونیورسٹی ءُ صنعت ءِ نیام ءَ یکوئی کمک، پٹ ءُ پول ءِ تجارتی کارمرز ءُ کشت ءُ کشاری ءُ ایگرو انڈسٹری آنی گنجائش سازی ءِ وسیلگ ءَ سرجمیں ملک ءَ پیماز ءِ ارزشت ءِ گیشی ءِ ٹیکنالوجی آناں دیمروئی دیگ بیت۔