اسلام آباد ۔ 26 اکتوبر (اے پی پی) بُنجاھی وزیر برائے بنی آدمی ھک ڈاکٹر شیریں مزاری ءَ آدینگ ءِ روچ ءَ قومی کمیشن برائے بنی آدمی ھک (این سی ایچ آر) ءِ تر ءُُ تاب کت۔ چیئرمین قومی کمیشن برائے بنی آدمی ھک جسٹس (ر) علی نواز چوہان ءَ بُنجاھی وزیر ءَ را ادارگ ءِ کرد ءُُ کار کنگ ءِ کار رپک ءِ بابت ءَ سرجمی ءَ سرپد کت۔ آئی ءَ بُنجاھی وزیر ءَ را ادارگ ءِ جیڈھ آں چہ سر پد کت۔ بُنجاھی وزیر ءَ را گوشت کہ این سی ایچ آر ءَ زالبول ، زھگ ، شالوبالو ءُُ ایندگر آنی نیمگ ءَ سرجمیں ملک ءَ 3ہزار ءَ چہ گیش شکاست رستگ۔ اے موہ ءِ سر ءَ بُنجاھی وزیر ءَ آئی ءَ را سرجمی ءَ کمک کنگ ءِ دل یکیمی دیان ءَ شہری آنی بنیاتی ھک ءِ رکھینگ ءِ واستہ یکجاہ بوھگ ءُُ کار کنگ ءِ جزم ءِ درشان کت۔
