اسلام آباد۔26اکتوبر(اے پی پی) پاکستانءَ استیں چینی سفیر یاؤجنگ ءَ گشتگ کہ چینی حکومت ءُ اُلس مزن وزیر عمران خانءِ ترءُ تاب ءِ وداریگ اَنت، چین مزن وزیر ءِ وژن ’’ نوکیں پاکستان‘‘ ءِ منوک اَنت، وہدے کہ نوکیں حکومت جوڑ بوتگ عمران خان ءِ چینءَ ودار بوہگءَ ایں، ما نوکیں پاکستان ءَ گوں ہم گام اَنت، پاکستانی معیشت ءَ زرکاری ءَ را گیش کن اَنت، ’’ پاکستان ءَ چہ بہا زورگ ، پاکستان ءَ را بہا دیئگ ‘‘ چینءِ پالیسی اِنت، ما سدک اَنت کہ مزن وزیر ءِ وژن ’’ نوکیں پاکستان ‘‘ ءَ را دوئیں ملک یکجاہ بوتءُ جوڑ کُت کن اَنت، سی پیک ءِ منصوبہ پاکستانی اُلس ءُ پہ خطہ ءِ وشھالیءَ المی اِنت۔ اسلام آباد ءَ مزن وزیر عمران خان ءِ چینءِ ترءُ تاب ءُ سی پیک منصوبہ ءِ سرءَ شونشت ءَ چینی سفیر ءَ گشتگ کہ چینی حکومت ءُ اُلس ءَ را مزن وزیر ءِ چین ءِ ترءُ تاب ءِ ودار اِنت۔ آئیءَ گشتگ کہ پاکستان ءِ نوکیں حکومت ، اقتصادی، سماجی ءُ دری کارانی پالیسی ءِ دیمروئیءَ لوٹ ایت۔ چینی سفیر یاؤجنگ ءَ گشتگ کہ پاکستان میاں اوستمانی کمیونیٹی ءِ یک زمہ واریں باسک اِت۔
