اسلام آباد۔ 26اکتوبر (اے پی پی) چین پاکستان اقتصادی راہداری ڈٹ بناکننگ آن پد پاکستان نا سفر ءِ کروک آ چینی بندغ آتا کچ اٹی ودکی مسنے۔ چینی ہردے ئی ’’چائنا ڈیلی‘‘ ٹی شینک مروک آ اسہ سرحال اسے نا رداٹ ڈٹ انا پوروی آن پاکستان نا سیل و سوات نا صنعت اٹی ہندی کاروباری بندغ و چینی الس کن شریداری نا پوسکن ءُ وارخواہی ہم ودی مریک ہرافتیان کاروباری ادارہ غاتے چنکا و درمیانہ درجہ نا چندی بشخ آتے ٹی خذمت انجام تننگ نا موقع ملک۔ آرٹیکل اٹی پاننگانے کہ چینی وپاکستانی کاروباری بندغ آتے ٹی ہروڑنا اسیجا ڈٹ آن تین پہ تینی فائدہ رسینگک۔ و داڑآن ہڑتوم آ کنڈآتا پت و السی کہول آ رابطہ غاتے ٹی ودکی مریک۔ سرحال اٹی مستی پاننگانے کہ دُن انگا گام گیج آتیان ہڑتوم آ ملک آتا نیام اٹ مست آن ساڑی دوستانہ تعلقداریک ہم سوگو مریرہ۔
