اسلام آباد۔ 26اکتوبر (اے پی پی) چین پاکستان اقتصادی راہداری ڈٹ (سی پیک) نا رداٹ بلوچستان نا ضلع پشین نا تحصیل بوستان اٹی انڈسٹریل زون آ ترندی اٹ کاریم برجاءِ۔ وزارت ڈٹ بندی ٹی جوڑ کروک سی پیک سیکرٹریٹ نا کمامدارآک ’’اے پی پی‘‘ ءِ پاریر کہ بوستان انڈسٹریل زون اکن 1000 ایکڑ ڈغار دوئی کننگانے و صنعتی بستی نا جوڑ کننگ کن گام گیج آتا چرجوئی ترندی اٹ برجاءِ۔ کمامدارآتا رداٹ دااقتصادی زون اٹی میوہ ، کشاری مشینری، فارما سیوٹیکل، موٹرسائیکل ، اسمبلنگ، کرومائیٹس ، کوکنگ آئل، سیرامک انڈسٹری ، آئس اینڈ کولڈ اسٹوریج ، برقی ازباب، حلال فوڈ انڈسٹری و ایلو تعلقدار صنعت آتا جوڑ کننگ و اوفتے کن آسراتی آ چکارکننگک۔ اوپاریر کہ بوستان انڈسٹریل زون 200 ایکڑ رقبہ غا شونداری کاریم پورو مسنے۔ دازون آن کوئٹہ ایئر پورٹ نا فاصلہ 23کلومیٹر، سی پورٹ آن 713کلومیٹر ، کراچی آن 976کلومیٹر، ڈرائی پورٹ (کوئٹہ) غان 32کلومیٹر و ہائی وے 50-N زیرو کلومیٹر ءِ۔ اسہ سوج اسے آ اوفک پاریر کہ داعلاقہ ٹی صنعتی بستی نا جوڑ کننگ نا سلاہ صوبائی حکومت نا کنڈآن بسوسس۔
