پاکستان بیت المال ءِ ’’ریڈ کریسنٹ‘‘ و ’’ڈاکٹرز بیونڈدی بارڈرز‘‘ کون آ ادارہ غاتیامبار دنیا نا غٹ آن گچین فلاحی تنظیم اس جوڑ کننگ نا خواہندار اُٹ، عون عباس

اسلام آباد۔ 26اکتوبر (اے پی پی) پاکستان بیت المال نا منیجنگ ڈائریکٹر عون عباس بپی ادارہ ءِ جہانی کہول آ درستی راستی کرفنگ نا عزم انا درشانی ءِ کرسا پارینے کہ پاکستان بیت المال ءِ ’’ریڈ کریسنٹ ‘‘ و’’ ڈاکٹرز بیونڈدی بارڈرز‘‘ کون آ ادارہ غاتیامبار دنیا نا غٹ آن گچین فلاحی تنظیم اس جوڑ کننگ نا خواہندار اُٹ۔ جمعہ نادے اے پی پی تون گونڈ ءُ ہیت و گپ اسے ٹی اوپارے کہ وزیراعظم عمران خان نا کنڈآن اودے پاکستان بیت المال نا ایم ڈی خلنگانے دااوڑکن شرف انا ہیت اسے و ڈکھیا انسانیت نا خذمت ءِ کننگ اونا است آن بھاز خڑک ءِ اوپارے کہ ہندن کہ ہردے گدرینگک اودے اسہ پوسکن ءُ خوشی اس ملک ہراتم کہ اسکول یا کالج نا چنا، کینسر نا ناجوڑ و راج انا نیزگار انگا بندغ آتے مالی امداد نا چیک جاری مریک تو اودے بھاز است جم و خوشی محسوس مریک ، اسہ سوج اسے ناورندی ٹی اوپارے کہ فنڈ انا فراوانی ٹی مشکل آک ءُ، اکاؤنٹینٹ جنرل نا آفس نا وڑوڈول پیچیدہ ءِ ہرانا سوب فنڈ زآک ہرے آ ملرہ دابابت او وزیر خزانہ اسد عمر تون اوڑدہی کرسا فنڈ انا فراوانی ٹی آسانی ودی کننگ نا درخواست کیک۔ اوپارے کہ پاکستان بیت المال ءِ دنیا نا غٹ آن گچین فلاحی تنظیم اس جوڑ کننگ خواوہ۔